Gujarati News

Gujarati News

News of Tuesday, 24th November 2020

ભોજનમાં અરુચિ, અશકિત, કામમાં મન લાગી રહ્યુ ન હોવાની ફરિયાદો

પોસ્ટ કોવિડ વ્યકિતઓની ડાયેટિશિયન પાસે ડાયેટ પ્લાન માટે દોટઃ કોરોનાને માત કરી આવેલી વ્યકિતઓએ રોજ ૧૦૦ ગ્રામ ઉપરાંત પ્રોટિન લેવું જરૂરી

મુંબઇ તા. ર૪ :.. કોરોનાને હરાવીને આવેલા વ્યકિતઓનાં શરીરમાં અશકિત, ભોજનમાં અરૂચી અને કામમાં મન લાગતુ નહી હોવાની ફરીયાદ સાથે ડોકટર પાસે દોડી ગયેલાઓને આખરે ડાયેટીશયન પાસે સલાહ લઇ તે મુજબ ખોરાક આરોગવાની સલાહ અપાય છે. ડાયેટીશયન પાસે ડાયેટ પ્લાન કરાવવા દર્દીઓની સંખ્યામાં વધારો નોંધાયો છે.

કોવિડ-૧૯ એ પ્રોટીન વાયરસ છે. કોરોના થતા જ કોરોનાના દર્દીમાંથી પ્રોટીન ઓછુ થઇ જાય છે. આ વ્યકિત કોરોનાથી મુકત થયા પછી તેમના માટે નવી સમસ્યા ઉભી થાય છે. જેમાં આ વ્યકિતઓને ભોજનમાં અરૂચિ થાય છે.શરીરમાં અશકિત લાગે છે. અને કામ કરવામાં મન લાગતુ નથી. આવી વ્યકિતઓ પુનઃ ડોકટર્સ પાસે દોડી જાય છે. ત્યારે તેમને ડાયેટીશન પાસે મોકલવામાં આવે છે.શહેરની ડાયેટીશન ધ્રુવી ચોકસીએ જણાવ્યું હતું કે પોસ્ટ કોવિડ દર્દીઓ ઉપરોકત ફરીયાદ સાથે આવે છે. આ સંખ્યામાં ઘણો જ વધારો નોંધાયો છે. આવી વ્યકિતઓને રોજ ૧૦૦ ગ્રામથી વધુ પ્રોટીન લેવા માટેની સલાહ આપવામાં આવે છે. આ ઉપરાંત ભોજનમાં એક સામટુ નહી પરંતુ દિવસમાં ૬ થી ૭ વાર ભોજન લેવાની પણ સલાહ અપાય છે. જેમાં શિયાળો હોવાથી લીલાશાકભાજી, ફ્રુટ, કઠોળ, ડ્રાયફ્રુટ, રોજ સવાર-સાંજે દૂધ, વીટામીન સૌ માટે આમળા અને ચ્યવનપ્રાસ લેવાની સલાહ આપવામાં આવે છે. જયોર નોનવેજ ખાનાર વ્યકિતોએ પ્રમાણસર માંસાહાર ભોજનમાં લઇ શકે છે. આ સાથે ચીઝ અને બટર પણ સમપ્રમાણ લેવું જોઇએ. (પ-૮)

પોસ્ટ કોવિડ ન્યુટ્રિશિયનની નવી બ્રાન્ચનો ઉદય

કોરોનાના લીધે ઘણી બધી સામાજીક વ્યવસ્થા બદલાઇ ગઇ છે. જયારે આરોગ્ય ક્ષેત્રે પણ અનેક બદલાવ આવ્યા છે. લોકો કોરોના સામે રક્ષણ મેળવવા માટે આયુર્વેદ તરફ પણ વળ્યા છે. જયારે પ્રાણાયામ અને કસરત કરતા વ્યકિતઓની સંખ્યામાં પણ અનેક ગણો વધારો થયો છે. ત્યારે કોરોનાથી મુકત થયા પછી કેટલીક હોસ્પિટલમાં પોસ્ટ કોવિડ વ્યકિતને છેલ્લુ કન્સલટન્ટ ડાયેટીશનનું જ હોય છે. અગાઉ ડાયાબીટીસ, મેદસ્વી વ્યકિત કે હૃદયરોગના દર્દી માટે ડાયેટ પ્લાન ડાયેટીશીયન પાસે તૈયાર કરાતો હતો હવે પોસ્ટ કોવિડની વ્યકિતઓ માટે ડાયેટ પ્લાન તૈયાર થઇ રહ્યો છે. જેના લીધે પોસ્ટ કોવિડ ન્યુટ્રીશીયનની નવી બ્રાન્ચનો ઉદય થયો છે.

(11:52 am IST)
  • ઝડપી અને સસ્તા દરમાં કોરોના ટેસ્ટનો પ્રારંભ કરાવતા અમિતભાઈ ગૃહમંત્રી અમિતભાઈ શાહે નવી દિલ્હી ખાતે, ઇન્ડિયન મેડિકલ કાઉન્સિલ ઓફ ઈન્ડિયાના હેડકવાટર ઉપર માત્ર 499 રૂપિયામાં કોવિડ આરટી-પીસીઆર ટેસ્ટનો પ્રારંભ કરાવ્યો; 6 કલાકમાં કોવિડ ટેસ્ટનું પરિણામ: પ્રથમ તબક્કામાં, આવી 20 લેબ્સ ઉભી થવાની સંભાવના છે: દરેક લેબ એક દિવસમાં 1000 કોવિડ ટેસ્ટ કરવા માટે સક્ષમ છે access_time 8:41 am IST

  • દેશમાં કોરોનાના નવા કેસ કરતા સ્વસ્થ થનારની સંખ્યામાં વધારો :એક્ટિવ કેસમાં સતત ઘટાડો :રાત્રે 11 વાગ્યા સુધીમાં કોરોનાના નવા 34,564 કેસ નોંધાયા:કુલ કેસનો આંકડો 91,75,876 થયો :એક્ટીવ કેસ ઘટીને 4,37,778 થયા:વધુ 39,364 દર્દીઓ સ્વસ્થ થતા કુલ 86,00,808 રિકવર થયા :વધુ 440 લોકોના મોત સાથે કુલ મૃત્યુઆંક 1,34,213 થયો access_time 12:36 am IST

  • દેશમાં કોરોનાના કેસનો આંકડો 92 લાખને પાર પહોંચ્યો : રાત્રે 11 વાગ્યા સુધીમાં કોરોનાના નવા 38,296 કેસ નોંધાયા:કુલ કેસનો આંકડો 92,16,049 થયો : એક્ટીવ કેસ 4,42,176 થયા: વધુ 33,487 દર્દીઓ સ્વસ્થ થતા કુલ 86,37,126 રિકવર થયા : વધુ 407 લોકોના મોત સાથે કુલ મૃત્યુઆંક 1,34,661 થયો access_time 12:00 am IST