Gujarati News

Gujarati News

News of Tuesday, 24th November 2020

આતંકવાદીઓએ ૩ ફૂટ બરફ વચ્ચે કુપવાડા જીલ્લાનાં મચ્છેલ સેકટરમાં પ્રવેશવાનો પ્રયાસ કર્યોઃ જવાનો દ્વારા ગોળીબાર

(સુરેશ ડુગ્ગર દ્વારા) જમ્મુ, તા.૨૪:  કુપવાડા જિલ્લાના મચ્છેલ સેકટરમાં એલઓસી નજીક સરહદ સુરક્ષા દળોએ  ફાયરિંગ કર્યુ હતું. અધિકારીએ જણાવ્યું હતું કે એલઓસીની કેટલીક શંકાસ્પદ પ્રવૃત્તિઓ હતી, જેના પછી સૈનિકોએ ગોળીબાર કર્યો હતો.

બીએસએફના ડેપ્યુટી ઈન્સ્પેકટર જનરલ આર મુથુકૃષ્ણને જણાવ્યું હતું કે સૈનિકોની ગોળીબાર બાદ બીજી બાજુથી ફાયરિંગ કરવામાં આવ્યું હતું, પરંતુ ભારે બરફવર્ષાને કારણે સર્ચ ઓપરેશન હાથ ધરવામાં આવ્યું નથી, જોકે ટૂંક સમયમાં શોધખોળ શરૂ કરવામાં આવશે. માહિતી માટે, સેનાએ ૮ નવેમ્બરના રોજ સમાન સેકટરમાં ત્રણ આતંકવાદીઓને ઠાર કર્યા હતા. જો કે, આ કામગીરીમાં સેનાના એક અધિકારી અને બીએસએફ જવાન સહિત ચાર સૈનિકો શહીદ થયા હતા.

ઓપરેશન હાથ ધરવામાં આવ્યું છે. હિમવર્ષા હજુ પણ થઇ રહી છે અને આ વિસ્તારમાં ત્રણ ફૂટથી વધુ બરફ પડ્યો છે. હિમવર્ષા અટકે ત્યારબાદ જ સર્ચ ઓપરેશન શરૂ કરવામાં આવશે. આ ઘટનાની પુષ્ટિ કરતાં એસએસપી કુપવાડા શ્રી રામ અંબકરે જણાવ્યું હતું કે, બીએસએફ ટીમો દ્વારા જુદા-જુદા વિસ્તારોમાં તપાસ હાથ ધરવામાં આવી છે.

(2:40 pm IST)
  • મહારાષ્ટ્રમાં કોરોનાએ વધુ 30 જીવ લીધા: 5,439 નવા કોવિડ કેસ : મહારાષ્ટ્રમાં 5,439 નવા કોવિડ કેસ નોંધાયા છે, જે સાથે કુલ કોવિડ કેસોની સંખ્યા 17,89,800 થઈ છે; વધુ 30 મૃત્યુ સાથે કુલ મૃત્યુઆંક 46683 ઉપર પહોંચ્યો છે. access_time 9:54 pm IST

  • મનોજ સીસોદીયા ઉપર ભાજપ બરાબર તૂટી પડ્યુઃ દિલ્હીના ઉપમુખ્યમંત્રી 'આપ' પક્ષના મનીષ સીસોદીયા એક લગ્નમાં 'માસ્ક' પહેર્યા વિના ઉપસ્થિત રહેતા ભાજપે ટ્વીટમાં લખ્યુ છે કે 'ચલણ માત્ર જનતા ભરશે અને આપ તે પૈસાની જાહેરાત આપશો' access_time 3:48 pm IST

  • બેક ટુ બેક ... આવતા મહિને વધુ એક 'બુરેવી' વાવાઝોડાનો ખતરો : 'નિવાર'નામનું વાવાઝોડુ ત્રાટકવાની તૈયારીમાં છે ત્યારે તામિલનાડુના દરિયાકિનારે વધુ એક વાવાઝોડાનો ખતરો મંડાઈ રહ્યો છેઃ 'બુરેવી'નામનું વાવાઝોડુ તા.૩ કે ૪ ડીસેમ્બર આસપાસ ત્રાટકે તેવી સંભાવના હોવાનું વેધરની એક ખાનગી સંસ્થાએ જણાવ્યું છે access_time 2:36 pm IST