Gujarati News

Gujarati News

News of Tuesday, 24th November 2020

વેક્સિનની આડઅસર સંદર્ભે તૈયાર રહેવાની સૂચના આપી

રસીકરણ પહેલા કેન્દ્રએ રાજ્ય સરકારોને એલર્ટ કરી : જાહેરાત બાદ રસીની મોટા પ્રમાણમાં જરૂરિયાત રહેશેનવી

 દિલ્હી,તા.૨૪દેશમાં કોરોના વાયરસની પ્રથમ વેક્સીનની રાહ જોવામાં આવી રહી છે. વેક્સીનની જાહેરાત બાદ તેની મોટા પ્રમાણમાં જરૂરિયાત રહેશે. સરકારને આશંકા છે કે વેક્સીન બાદ તેની અમુક આડઅસર પણ જોવા મળી શકે છે. આથી કેન્દ્ર સરકારે તમામ રાજ્ય સરકારોને આની સામે લડવા માટે જિલ્લા સ્તર પર તૈયારી કરી રાખવાની સૂચના આપી છે. ગત અઠવાડિયે રાજ્ય સરકારોને મોકલવામાં આવેલા પત્રમાં રાજ્ય સરકારોને તૈયાર કરવા માટે લગભગ ડઝન જેટલી જરૂરિયાતોની સાથે સાથે કેન્દ્રીય સ્વાસ્થ્ય મંત્રાલયે તમામ રાજ્યો અને કેન્દ્ર શાસિત પ્રદેશોને કોવિડ-૧૯ની રસીની આડઅસર સામે લડવા માટે તૈયાર રહેવાનું કહેવામાં આવ્યું છે. આ પત્ર ૧૮ નવેમ્બરના રોજ કેન્દ્ર સરકાર તરફથી લખવામાં આવ્યો છે. આ પત્ર રસીકરણ માટે વ્યવસ્થિત માળખું તૈયાર કરવા સંદર્ભમાં હતો. અંદાજ લગાવવામાં આવી રહ્યો છે કે રસીકરણ બહુ ઝડપથી શરૂ થઈ જશે.

               આથી જ કેન્દ્ર સરકારા રાજ્ય સરકારો અને કેન્દ્ર શાસિત પ્રદેશોને કોવિડ-૧૯ની રસીની આડઅસર અંગે તંત્રને મજબૂત બનાવવા માટે સૂચના આપી છે. સ્વાસ્થ્ય અને પરિવાર કલ્યાણ મંત્રાલયના એડિશનલ સચિવ ડૉક્ટર મનોહર અગનાનીએ તમામ રાજ્યો અને કેન્દ્ર શાસિત પ્રદેશોને મોકલેલા પત્રમાં લખ્યું છે કે, તમને એ વાત માલુમ હશે કે રાજ્યો તેમજ જિલ્લાઓમાં કોવિડ-૧૯ના રસીકરણની તૈયારી ચાલી રહી છે. રાજ્યો અને કેન્દ્રશાસિત પ્રદેશોને મોકલવામાં આવેલા પત્રમાં કહેવામાં આવ્યું છે કે, રસીકરણની સુરક્ષામાં વિશ્વાસ જળવાય રહે તે માટે કોવિડ-૧૯ રસીકરણ બાદ તેની અસર પર પગલાં લેવાની જરૂરિયાત છે. મંત્રાલય તરફથી આ માટે ઉપાયોની માહિતી આપતા કહ્યુ છે કે એડવર્સ ઇવેન્ટ્સ ફૉલોઇંગ ઇમ્યૂનાઇઝેશન સર્વિલાન્સ સિસ્ટમને વધારે મજબૂત કરવાની જરૂરિયાત છે, જેનાથી કોવિડ-૧૯ના રસીકરણ સમયે એઈએફઆઈ રિપોર્ટિંગ શક્ય બને. કેન્દ્ર સરકારે રાજ્યોને કહ્યું છે કે તે આખા દેશમાં ૩૦૦ મેડિકલ કૉલેજ અને અન્ય હૉસ્પિટલોમાં પ્રતિકૂળ કેસમાં લોકોના રસીકરણ પછી ઊભી થતી આડઅસર સામે લડવા માટે સામેલ કરો. આ ઉપરાંત રાજ્યોમાં ન્યૂરોલૉજિસ્ટ, કાર્ડિયોલૉજિસ્ટ, ફેંફસા નિષ્ણાત, પ્રસૂતિ, સ્ત્રી રોગ નિષ્ણાત અને બાળ રોગ નિષ્ણાતોને રસીકરણ બાદ તેની અડાઅસર સામે લડવા માટે તૈયાર રાખવા માટે કહેવામાં આવ્યું છે

(7:45 pm IST)
  • થાણેમાં મહારાષ્ટ્ર નવનિર્માણ સેનાના નેતા જમીલ શેખની ગોળી મારી હત્યા થઈ છે. મોટરસાયકલ ઉપર આવેલા બે અજાણ્યા શખ્સોએ શેખનો પીછો કરી માથામાં ગોળી મારી હત્યા કરી હતી. access_time 8:40 am IST

  • અમદાવાદના રાત્રી કર્ફ્યુને લઇ આવ્યા મોટા સમાચાર : કોરોના સંક્રમણ ને લીધે અમદાવાદમાં 7મી ડિસેમ્બર સુધી રાત્રી કર્ફ્યુ જાહેર : અમદાવાદ પોલીસના જાહેરનામામાં તારીખનો ઉલ્લેખ : પોલીસ કમિશનરે જારી કર્યું છે જાહેરનામું access_time 6:39 pm IST

  • માસ્ક નહિ પહેરો તો આવશે ઘરે ઈ મેમો: સુરત મહાનગર પાલિકા હવે સીસીટીવી કેમેરાના આધારે વાહન ચાલકો પર નજર રાખશે. બાઇક ચાલક કે પાછળ બેઠેલા વ્યક્તિ એ માસ્ક નહિ પહેર્યું હોય તો ઘરે 1000 નો મેમો આવશે access_time 12:31 am IST