Gujarati News

નવી દિલ્‍હી, તા.૨૪: દેશના ઘણા રાજ્‍યોમાં ઘટી રહેલા તાપમાનની અસર દેખાવા લાગી છે. પહાડો પર સતત હિમવર્ષાના કારણે ઉત્તર ભારતમાં હવામાનમાં બદલાવ જોવા મળી રહ્યો છે. દિલ્‍હી અને તેની આસપાસના વિસ્‍તારોમાં પણ પારો ગગડી રહ્યો છે. હવામાન વિભાગે કેટલાક રાજ્‍યોમાં કોલ્‍ડવેવ માટે એલર્ટ જાહેર કર્યું છે.

હવામાન વિભાગે દિલ્‍હીમાં સ્‍વચ્‍છ હવામાનની આગાહી કરી છે. સવારે અને સાંજે ઠંડીમાં વધુ વધારો થઈ શકે છે. જો કે રાજ્‍યમાં ધુમ્‍મસની કોઈ શકયતા નથી.

પહાડો પર હિમવર્ષાની અસર યુપીના કેટલાક ભાગોમાં પણ જોવા મળી રહી છે. સવારપ્રસાંજ ઠંડીમાં વધારો થવા લાગ્‍યો છે. ધુમ્‍મસની અસર પશ્‍ચિમ યુપીમાં પણ જોવા મળી રહી છે. જો કે બપોરના સમયે સૂર્ય ચમકી રહ્યો છે. તે જ સમયે, આ અઠવાડિયે પ્રયાગરાજમાં સવારે અને સાંજે ધુમ્‍મસ રહી શકે છે.

બિહારમાં સવાર અને રાત્રી દરમિયાન ઠંડીનો અનુભવ થઈ રહ્યો છે. તો ત્‍યાં બપોરના સમયે ગરમીનો અહેસાસ થાય છે. બદલાતા હવામાનને કારણે લોકો બીમાર પણ થઈ રહ્યા છે. બીજી તરફ રાજ્‍યમાં તીવ્ર પશ્‍ચિમી પવનો પ્રવર્તી રહ્યા છે. જેના કારણે આગામી પાંચ દિવસ સુધી હવામાન શુષ્‍ક રહેશે. આગામી દિવસોમાં તાપમાનમાં બેથી ત્રણ ડિગ્રીનો ઘટાડો થઈ શકે છે.

હિમાચલ પ્રદેશના પહાડી રાજ્‍યમાં શીત લહેરની અસર જોવા મળી રહી છે. હવામાન વિભાગે આજે ઉચ્‍ચ વિસ્‍તારોમાં હિમવર્ષા થવાની આગાહી કરી છે. મોટાભાગના વિસ્‍તારોમાં વાદળછાયું વાતાવરણ રહેશે. રાજધાની શિમલામાં લઘુત્તમ તાપમાન ૭.૮ ડિગ્રી સેલ્‍સિયસ નોંધાયું હતું, જ્‍યારે ઉના, મંડી અને સોલનમાં પાંચ ડિગ્રી સેલ્‍સિયસ નોંધાયું હતું.

સક્રિય વેસ્‍ટર્ન ડિસ્‍ટર્બન્‍સ અને બંગાળની ખાડી પર બનેલા નીચા દબાણના વિસ્‍તારને કારણે ઉત્તરાખંડમાં તાપમાનમાં વધઘટ જોવા મળી રહી છે. બીજી તરફ લઘુત્તમ તાપમાનમાં ઘટાડો નોંધાઈ રહ્યો છે. આગામી બેપ્રત્રણ દિવસ સુધી વાતાવરણ આવું જ રહી શકે છે.