Gujarati News

Gujarati News

News of Friday, 25th September 2020

પશ્ચિમ બંગાળમાં દુર્ગા પૂજા સમિતિને મળશે 50 હજાર :ફેરીવાળાને 2 હજાર અપાશે :મમતા બેનર્જીની જાહેરાત

દુર્ગાપૂજા પંડાલમાં સાંસ્કૃતિક કાર્યક્રમોમાં આયોજનને મંજુરી નહી પંડાલ ચારેય તરફથી ખુલા રહેશે

કોલકતા : પશ્ચિમ બંગાળની મુખ્યમંત્રી મમતા બેનર્જીએ કોરોના વાઈરસના પ્રકોપ વચ્ચે આગામી મહિને આયોજીત થનારા દુર્ગાપુજાને લઈને નવા નિયમો વિશે જાણકારી આપી. તેમણે જણાવ્યું કે, આ વર્ષે દુર્ગાપૂજા પંડાલમાં સાંસ્કૃતિક કાર્યક્રમોમાં આયોજનને મંજુરી નહી હોય. સીએમ મમત બેનર્જીએ કહ્યું કે, આ વખતે દુર્ગા પૂજામાં લાગતા પંડાલ ચારેય તરપથી ખુલા રહેશે. દરેક પ્રવેશ દ્વાર પર સેનેટાઈઝરની વ્યવસ્થા કરવામાં આવશે. સાથે જ માસ્ક પહેરવું ફરજિયાત હશે અને સોશિયલ ડિસ્ટન્સનું વિશેષ ધ્યાન રાખવામાં આવશે.

 અત્રે ઉલ્લેખનિય છે કે, પશ્ચિમ બંગાળમાં ખુબ ધામધુમપૂર્વક દુર્ગા પુજા મનાવવામાં આવે છે. દેશભરમાંથી લોકો નવરાત્રી દરમિયાન બંગાળ આવે છે. કલકત્તાના પંડાલની ભવ્યતા અને સુંદરતા દેશભરમાં ચર્ચાનો વિષય રહે છે. પરંતુ આ વર્ષે કોરોના મહામારીના કારણે ઘણું બદલાઈ જશે. પંડાલમાં યોજાનારા સાંસ્કૃતિક કાર્યક્રમો પર પ્રતિબંધ રહેશે. જ્યારે દુર્ગા પૂજાના આયોજન કરતી પૂજા સમિતિઓને મમતા સરકાર તરફથી 50 હજાર રૂપિયા અને 80 હજાર ફેરીવાળાને 2 હજારની રકમ આપવામાં આવશે.

આ વર્ષે કોરોના વાઈરસના લીધે કોઈ વેપાર ધંધા બચી શક્યા નથી અને ના તો તહેવાર. મમતા બેનર્જીએ આર્થિક મદદની જાહેરાતની સાથે પૂજા સમિતિઓને કોરોના પ્રોટોકોલનું સખ્તાઈથી પાલન કરવા નિર્દેશ આપ્યો. દરેક પંડાલની એન્ટ્રી પર પર સેનેટાઈઝિંગની વ્યવસ્થા ફરજિયાત છે. પૂજા પંડાલ દરેક બાજુએથી ખુલ્લો રહેશે. આયોજકોએ સોશિયલ ડિસ્ટન્સ જળવાય તેનું ધ્યાન રાખવાનું રહેશે.

(11:49 pm IST)
  • નોબલ પારિતોષિક માટે હવે પુતીનનું નામ નોમિનેટ થયું: ડોનાલ્ડ ટ્રમ્પ પછી હવે રશિયન પ્રમુખ વ્લાદિમીર પુતીનનું નામ નોબલ શાંતિ પારિતોષિક માટે નોમિનેટ કરવામાં આવ્યું છે. જોકે ક્રેમલીને જાહેર કર્યું છે કે અમે પુતિનનું નામ નોમિનેટ કરેલ નથી. access_time 12:17 am IST

  • પટણામાં પપ્પુ યાદવના કાર્યકર્તાઓની બેફામ ધોલાઇ કરતા ભાજપ કાર્યકર્તાઓઃ મોટો હંગામો : પપ્પુ યાદવની જનશકિત પક્ષના કાર્યકરો ખેડૂત વિરોધી ખરડાનો વિરોધ કરવા પહોંચતા જ ભાજપ કાર્યકર્તાઓ લાઠીઓ લઇ તૂટી પડયા હતાઃ બેફામ ધોલાઇ કરી : પપ્પુ યાદવના કાર્યકરો હાથ જોડી માફી માગતા નજરે પડેલ પણ ભાજપના કાર્યકર્તાઓએ ધોલાઇ ચાલુ જ રાખેલ access_time 12:51 pm IST

  • દેશમાં કોરોનાના કહેર વચ્ચે આજે નવા કેસ કરતા સ્વસ્થ થનારની સંખ્યામાં વધુ :કુલ કેસનો આંક 59 લાખને પાર પહોંચ્યો : રાત્રે 12-30 વાગ્યા સુધીમાં દેશમાં 85,465 નવા કેસ નોંધાયા : કુલ કેસની સંખ્યા 59,01.571 થઇ : 9,61,159 એક્ટીવ કેસ : વધુ 93,166 દર્દીઓ સ્વસ્થ થતા કુલ 48,46,168 રિકવર થયા : વધુ 1093 લોકોના મોત સાથે મૃત્યુઆંક 93,410 થયો access_time 12:51 am IST