Gujarati News

Gujarati News

News of Friday, 25th September 2020

ગલવાન અથડામણમાં ચીનના ૫ સૈનિકો માર્યા ગયા

ચીને પ્રથમ વખત ભારત સાથે બેઠકમાં કબુલ્યુ : ભારતના ૨૦ સૈનિકો શહીદ થયા હતા

નવી દિલ્હી તા. ૨૫ : પૂર્વી લદ્દાખની ગાલવાન ખીણમાં ૧૫ જૂને થયેલી હિંસામાં કેટલાંક ચીની સૈનિકો માર્યા ગયા તેનું રહસ્ય ચીને ખુલ્લું કરી દીધું છે. ધ હિન્દુના અહેવાલ મુજબ ચીને પ્રથમ વખત ભારત સાથેની બેઠકમાં કહ્યું છે કે ગાલવાન ખીણના સંઘર્ષમાં તેના ૫ સૈનિકો માર્યા ગયા છે. તેમાં ચીની આર્મીના કમાન્ડિંગ ઓફિસરનો પણ સમાવેશ હતો. આ પહેલા ચીને માત્ર સૈનિકના મોત અંગે વિચારણા કરી હતી. આ લોહિયાળ સંઘર્ષમાં ભારતના ૨૦ સૈનિકો શહીદ થયા હતા.

ચીન કદાચ ફકત ૫ સૈનિકોને મારવાની વાત કરી રહ્યો છે, પરંતુ અમેરિકન અને ભારતીય ગુપ્તચર એજન્સીઓનો અંદાજ છે કે આ હિંસામાં ઓછામાં ઓછા ૪૦ ચીની સૈનિકો માર્યા ગયા હતા. રસપ્રદ વાત એ છે કે ભારત અને ચીન વચ્ચેની વાતચીત દરમિયાન એ વાત પ્રકાશમાં આવી છે કે ભારત અને ચીન ઉત્તર-પૂર્વ સરહદ પર સાપ્તાહિક પરિભ્રમણના આધારે વિવાદિત વિસ્તારોમાં પેટ્રોલિંગ કરે છે. કહેવામાં આવી રહ્યું છે કે પૂર્વી લદ્દાખમાં પણ આ પદ્ઘતિ અપનાવી શકાય છે. હાલમાં, બંને લશ્કરો પૂર્વ લદ્દાખના ડેપાસંગ, પેંગોંગ તળાવની ઉત્તર અને દક્ષિણ બેંકો, પેટ્રોલિંગ પોઇન્ટ ૧૭ એ, રેજાંગ લા અને રેચીન લા ખાતે આમને સામને છે.

ભારતે ગાલવાન હિંસાના પાઠ લેતાં ભારતે ચીનને સ્પષ્ટ કરી દીધું છે કે અમારા સૈનિકો પૂર્વ લદ્દાખમાં પોતાની સરહદની સુરક્ષા કરવા અને કોઈપણ હદે જઈ શકે છે. ભારતે ચીનને ખૂબ સ્પષ્ટ ભાષામાં કહ્યું હતું કે જો આ ક્ષેત્રની પરિસ્થિતિ નિયંત્રણમાંથી બહાર નીકળી જશે તો આપણા સૈનિકો ગોળીબાર કરવામાં પણ અચકાશે નહીં. એક અધિકારીએ નામ ન આપવાની શરતે જણાવ્યું હતું કે ચીનને સ્પષ્ટ સંદેશ આપવામાં આવ્યો છે કે કોઈ પણ કાર્યવાહી બિલકુલ સહન કરવામાં આવશે નહીં.

(3:40 pm IST)
  • યસ બેંકના રાણા કપૂરનો લંડન સ્થિત 127 કરોડ રૂપિયાનો ફ્લેટ ED દ્વારા જપ્ત : રાણા કપૂર આ ફ્લેટ વેચી નાખવાની તૈયારીમાં હોવાનું જાણવા મળતા તાત્કાલિક પગલું લીધું access_time 8:46 pm IST

  • દિલ્હીના મુખ્યમંત્રી અરવિંદ કેજરીવાલને અશ્લીલ ગીત ગાઈ રહેલા બતાવતો " ફેક " વિડિઓ વાઇરલ : 12 ફેબ્રુઆરીના રોજ દિલ્હી વિધાનસભાની ચૂંટણીમાં પોતાની પાર્ટી વિજેતા થતા અશ્લીલ ગીત ગાતા બતાવ્યા : દિલ્હી કોર્ટમાં દાવો દાખલ : મેટ્રોપોલિટન મેજિસ્ટ્રેટે પશ્ચિમ વિહાર પોલીસને એફ.આઈ .આર.દાખલ કરી રિપોર્ટ આપવાનો આદેશ કર્યો access_time 7:45 pm IST

  • ખાનગી શાળાઓનો ફીનો મુદ્દો હજુ અદ્ધરતાલ : વાલી મંડળે ૫૦%ની માંગણી કરી : શિક્ષણમંત્રીએ ૨૫%ની ફી માફીની દરખાસ્ત કરી : ફરી ૨૯મીએ શિક્ષણમંત્રી સાથે વાલીમંડળની બેઠક મળશે access_time 4:06 pm IST