Gujarati News

Gujarati News

News of Friday, 26th February 2021

2021ની વસ્તી ગણતરીમાં OBCની અલગથી જાતિવાર ગણતરી કરાવવા માંગણી : સુપ્રીમ કોર્ટે માગ્યો કેન્દ્ર સરકાર પાસે જવાબ

અરજીકર્તાનું કહેવું છે કે જાતિવાર ગણતરી કરવાથી શિક્ષણ અને નોકરી વગેરેમાં અનામત અને પંચાયતી ચુંટણી વગેરેમાં સુવિધા રહેશે

નવી દિલ્હી : સુપ્રીમ કોર્ટમાં એક જનહિતની અરજી દાખલ કરાઇ છે, જેમાં કેન્દ્ર સરકાર પાસે વર્ષ 2021ની વસ્તી ગણતરીમાં અન્ય પછાત વર્ગ (અધર બેકવર્ડ ક્લાસ) ની અલગથી જાતિવાર ગણતરી કરવામાં આવે તેવી માંગ કરવામાં આવી છે, અલગથી ગણતરી થતાં તેમના માટે સરકારી યોજનાઓનો અમલ સુનિશ્ચિત થઇ શકશે, આ અરજીનાં પહલે હવે સુપ્રીમ કોર્ટે કેન્દ્ર સરકારને તથા પછાત વર્ગ આયોગને નોટિસ જારી કરી છે.

 

  અરજીકર્તાનું કહેવું છે કે જાતિવાર ગણતરી કરવાથી શિક્ષણ અને નોકરી વગેરેમાં અનામત અને પંચાયતી ચુંટણી વગેરેમાં સુવિધા રહેશે, વર્ષ 2021માં યોજાનારી વસ્તી ગણતરી માટે જે પ્રોફોર્મો નક્કી કરાયો છે, તેમાં 32 કેટેગરી બનાવવામાં આવી છે, તેમાં હિંદુ, મુસલમાન ,એસસી  તથા એસટી, વગેરે કેટેગરી છે, પરંતું પછાત વર્ગનો ઉલ્લેખ નથી, આવી સ્થિતીમાં જાતિવાર ગણતરી થવી જોઇએ, અને પછાત વર્ગની કેટેગરી હોવી જોઇએ.

અરજીકર્તા અનુસાર પછાત વર્ગને શિક્ષણ, નોકરી, આર્થિક અને રાજકીય ક્ષેત્રમાં અપાતી યોજનાઓનો લાભ, આ બધાનો હેતું પછાત વર્ગને ગરીબી રેખાથી બહાર લાવવાનો છે, અને જ્યારે કલ્યાણ યોજનાઓ માટે બજેટ ફાળવવામાં આવે છે ત્યારે તે રકમની વહેંચણીમાં પરેશાની ઉભી થાય છે, કેમ કે જાતિ આધારીત બેકવર્ડ ક્લાસની ગણતરી અથવા સર્વે થયો નથી, જાતિ આધારીત વિસ્તૃત માહિતી ન હોંવાથી રાજ્યની કલ્યાણ યોજનાઓનો લાભ સાચા અર્થમાં લોકો સુધી પહોંચી રહ્યો નથી

(11:06 pm IST)
  • સુરતમાં આમ આદમી પાર્ટીના કોર્પોરેટરો પગાર નહી લેઃ લોકહિતમાં મહત્વની જાહેરાત access_time 4:24 pm IST

  • ગુજરાતમાં સવારથી આવકવેરાનું મોટું ઓપરેશન ચાલુ : ગુજરાતમાં આવકવેરાના મોટાપાયે દરોડા ચાલુ હોવાનું ન્યૂઝફર્સ્ટ જણાવે છે. દરમિયાન મોરબીથી મળતા અહેવાલો મુજબ મોરબીની મોટા ગજાની ૨ સીરામીક ઇન્ડસ્ટ્રીઝ ઉપર અમદાવાદ અને રાજકોટથી આવેલા મનાતા આવકવેરાના અધિકારીઓએ ધોસ બોલાવ્યાનુ જાણવા મળે છે. access_time 3:55 pm IST

  • રીઝર્વ બેન્કે ગુનાની ગૃહ કો-ઓપરેટીવ બેન્ક લીમીટેડ પર મૂકયો પ્રતિબંધ : ખાતેદારો ૫૦,૦૦૦ રૂપિયા સુધી ઉપાડી શકશે : મંજૂરી વિના કોઈપણ પ્રકારની ગ્રાન્ટ આપવા મનાઈ : નવી લોન આપી શકાશે નહિં અથવા લોન રીન્યુ કરી શકશે નહિં : થાપણો સ્વીકારવા ઉપર મનાઈ : ૯૯%થી વધુ લોકોના નાણા સુરક્ષીત : લાયસન્સ રદ્દ કરાયુ નથી access_time 3:54 pm IST