Gujarati News

Gujarati News

News of Saturday, 27th February 2021

હાય રે મોંઘવારી...

સામાન્ય માણસનું જીવન બન્યું કઠીન ખાદ્યતેલ, દાળ, બેસન, ડુંગળી બન્યા મોંઘાદાટ

નવી દિલ્હીઃ પેટ્રોલ-ડીઝલની કિંમતમાં થઇ રહેલા સતત વધારા પછી મોંઘી થઇ રહેલી રસોઇની ચીજોએ સામાન્ય માણસની કમર તોડી નાખી છે. આ મહીને ડુંગળી, દાળ, ખાદ્યતેલ સહિત મસાલાના ભાવોમાં પણ વધારો જોવા મળ્યો છે. ડુંગળીની કિંમતો જાન્યુઆરીની સરખામણીમાં ૨૫ થી ૩૦ ટકા વધારે છે. તો મસૂર અને અડદની દાળ જાન્યુઆરીની સરખામણીમાં ૧૦ ટકા વધી છે. જથ્થાબંધ ખાદ્યતેલની કિંમતો આ વર્ષે વિભીન્ન તેલો માટે ૩૦ થી ૬૦ ટકા સુધી વધી ગઇ છે. ડુંગળીની કિંમત એક મહિનાથી સતત વધી રહી છે અને અત્યારે રીટેલ માર્કેટમાં ૬૦ રૂપિયો કીલોએ પહોંચી ગઇ છે. તો બીજી તરફ મસાલાના ભાવોમાં પણ વધારો જોવા મળી રહ્યો છે. ધાણામાં જાન્યુઆરીની સરખામણીમાં ૨૫ ટકાનો ભાવ વધારો જોવા મળી રહયો છે. આ વરસે સરસવનું ઉત્પાદન રેકોર્ડ સ્તરે થવાનું અનુમાન છે પણ તેમ છતાં સરસવમાં જાન્યુઆરીથી અત્યાર સુધીમાં ૬૦ ટકાનો વધારો જોવા મળ્યો છે.

પેટ્રોલ ડીઝલના ભાવ વધારાની સીધી અસર મોંઘવારી પર પડે છે. ડીઝલ મોંઘુ થવાથી ટ્રાન્સપોર્ટેશન કોસ્ટમાં વધારો થયો છે અને આનો હવાલો દઇને ટ્રાન્સપોર્ટરો ભાડા વધારાની તૈયારી કરવા લાગ્યા છે. તેમના કહેવા અનુસાર ૧૫ ટકા સુધીનો ભાડા વધારો જરૂરી છે. આમ થશે એટલે મોંઘવારી હજુ પણ વધશે.

(2:37 pm IST)
  • કોરોનાના વધતા કેસથી યુપી અને ઓરિસ્સા સરકાર એલર્ટ : અન્ય રાજ્યોમાંથી આવનાર માટે ક્વોરેન્ટાઇન અનિવાર્ય : ઓરિસામાં હવે મહારાષ્ટ્ર, કેરળ, તમિલનાડુ,છત્તીસગઢ,મધ્યપ્રદેશ, તેલંગાણા, પશ્ચિમ બંગાળ , પંજાબ, દિલ્હી, ચંદીગઢ, કર્ણાટક,અને આંધ્રપ્રદેશથી આવનારા લોકોને 7 દિવસ હોમ આઇસોલેશન ફરજીયાત કરાયું access_time 12:44 am IST

  • અમદાવાદમાં ક્રિકેટ સ્ટેડિયમનું નામ વડાપ્રધાન મોદીના નામ પર રાખવાનો નિર્ણય યોગ્ય : બાબા રામદેવે પીએમ મોદીને યુગ પુરુષ ગણાવતા કહ્યું કે મહાન વ્યક્તિઓના નામ પર ભાવનો અને સ્મારકોણ નામ રાખ્યા છે : ત્યારે હાલના મહાન વ્યક્તિત્વ મોદી અને તેમના નામ પરથી સ્ટેડિયમનું બામ રાખવું એમાં કઈ ખોટું નથી access_time 12:58 am IST

  • રવિદાસજીએ સદીઓ પહેલા સમાનતા, સદભાવના અને કરૂણા પર સંદેશા આપ્યા હતા : નરેન્દ્રભાઈ : વડાપ્રધાન શ્રી નરેન્દ્રભાઇ મોદીએ આજે ટ્વિટર ઉપર લખ્યું છે કે સંત રવિદાસજીએ સદીઓ પહેલા સમાનતા, સદભાવના અને કરુણા પર સંદેશા આપ્યા હતા, જે યુગો યુગો સુધી દેશવાસીઓને પ્રેરણા આપશે. હું તેમની જન્મજયંતિ પર તેમને સાદર વંદન કરું છું. access_time 5:04 pm IST