Gujarati News

Gujarati News

News of Saturday, 27th February 2021

મહારાષ્ટ્રમાં કોરોનાના કહેર વચ્ચે રાજ ઠાકરે જાહેરમાં માસ્ક વિના દેખાયા : ચોખ્ખું કહ્યું- હું માસ્ક નથી પહેરતો

શિવાજી પાર્ક મુંબઇમાં યોજીત મરાઠી ભાષા દિવસના કાર્યક્રમમાં ભારે ભીડ ઉમટી

મુંબઈ :મહારાષ્ટ્રમાં કોરોનાના કહેર વચ્ચે ઠાકરે પરિવારના નેતાએ વિવાદ જગાવ્યો છે. સીએમ ઉદ્ધવ ઠાકરેએ માસ્ક પહેરવાની ચોખ્ખી ચીમકી આપી હોવા છતાં MNS નેતા અને સીએમના પિતરાઇ રાજ ઠાકરે જાહેરમાં માસ્ક વિના દેખાયા હતા સાથે કહી પણ દીધું કે તેઓ માસ્ક પહેરતા નથી. અમેરિકાના પૂર્વ પ્રમુખ ડોનાલ્ડ ટ્રમ્પ પણ એવું જ કહેતા હતા.

  કોરોના મહામારીથી દેશમાં સૌથી અસરગ્રસ્ત મહારાષ્ટ્રમાં સંક્રમિતોની સંખ્યા ફરી વધી રહી છે. રાજ્યમાં ઝડપથી કેસો વધતા ઉદ્ધવ સરકારે નિયમોની કડક પાલનના આદેશ આપ્યા છે. પરંતુ તેનું પાલન કરાવવું મુંબઇ સહિતની રાજ્યની પોલીસને મુશ્કેલી થઇ રહી છે

  આજે શનિવારે શિવાજી પાર્ક મુંબઇમાં યોજીત મરાઠી ભાષા દિવસના કાર્યક્રમમાં મહારાષ્ટ્ર નવનિર્માણ સેના (એમએનએસ)ના પ્રમુખ રાજ ઠાકરે માસ્ક વિના  દેખાયા હતા. એ પણ ત્યારે જ્યારે સીએમ ઉદ્ધવ ઠાકરેએ રાજ્યના લોકોને માસ્ક નહીં પહેરો તો ફરી લોકડાઉનની ચીમકી આપી છે

  રાજ ઠાકરેએ માસ્ક તો પહેર્યું જ વધુમાં તેનું કારણ પુછવામાં આવતા ચોખ્ખુ કહી દીધું કે હું માસ્ક વાપરતો નથી. કાર્યક્રમમાં તેઓ પત્ની, પુત્ર અમે પુત્રવધુ સાથે પહોંચ્યા હતા. રાજ ઠાકરેએ શિવાજી જયંતિ અને મરાઠઈ ભાષા દિવસ પર કાર્યક્રમ યોજવાની મંજૂરી નહીં અપાતા નારાજગી વ્યક્ત કરી છે. તેમણે કહ્યું કે જો કોરોના વાઇરસ આટલી ઝડપથી ફેલાઇ રહ્યું હોય તો ચૂંટણી કેમ ટાળવામાં આવતી નથી?

સમગ્ર કાર્યક્રમમાં રાજ ઠાકરે માસ્ક વિના જ દેખાયા. કહેવાય છે કે આ કાર્યક્રમ યોજવા પોલીસે પરવાનગી આપી નહતી. તેમ છતાં સંપન્ન થયેલા કાર્યક્રમમાં મહારાષ્ટ્રની અનેક હસ્તીઓએ હાજરી આપી હતી અને ભીડ પણ બહુ એકત્રિત થઇ હતી

મરાઠી ભાષા દિવસના આયોજન અંગે બીએમસીએ કહ્યું કે ભીડ પર અમારી નજર છે. કાર્યવાહી કરવામાં આવશે. જો કે હજુ સુધી કોઇને દંડ કરાયો નથી. હવે જોવાનું એ રહેશે કે પગલું પોલીસ કે બીએમસી બેમાંથી કોણ લેશે

(8:05 pm IST)
  • સવારે ૪ાા વાગે સુરત નજીક હળવો ભૂકંપ : વહેલી સવારે ૪.૩૫ વાગ્યે સુરત પાસે ૩.૧ની તીવ્રતાનો હળવો ભૂકંપનો આંચકો અનુભવાયો છે. ભૂકંપનું કેન્દ્ર બિંદુ સુરતથી ત્રીસેક કિ.મી. દૂર નોંધાયું હતું. હળવો ભૂકંપ હોય કેન્દ્ર બિંદુ આસપાસના વિસ્તારો સિવાય ખાસ અસર જોવા મળી ન હોવાનું ચર્ચાય છે. access_time 12:44 pm IST

  • અમદાવાદમાં ક્રિકેટ સ્ટેડિયમનું નામ વડાપ્રધાન મોદીના નામ પર રાખવાનો નિર્ણય યોગ્ય : બાબા રામદેવે પીએમ મોદીને યુગ પુરુષ ગણાવતા કહ્યું કે મહાન વ્યક્તિઓના નામ પર ભાવનો અને સ્મારકોણ નામ રાખ્યા છે : ત્યારે હાલના મહાન વ્યક્તિત્વ મોદી અને તેમના નામ પરથી સ્ટેડિયમનું બામ રાખવું એમાં કઈ ખોટું નથી access_time 12:58 am IST

  • નકલી ડીગ્રીવાળા 2823 અધ્યાપકોને મોટો ઝટકો : અલ્હાબાદ હાઇકોર્ટે હકાલપટ્ટીની યોગ્ય ઠેરવી :અલ્હાબાદ હાઇકોર્ટે આ મામલે એકલ પીઠના આદેશને યોગ્ય માન્યો અને હસ્તક્ષેપ કરવા ઇન્કાર કર્યો access_time 12:41 am IST