Gujarati News

Gujarati News

News of Saturday, 27th February 2021

દેપસાંગની જમીન આ સરકાર પરત નહીં અપાવી શકે : કોંગ્રેસના પૂર્વ અધ્યક્ષ રાહુલ ગાંધી

ચીનને લઈને કેન્દ્ર સરકાર પર નિશાન તાંકતા કોંગ્રેસના પૂર્વ અધ્યક્ષ રાહુલ ગાંધી : આરએસએસ ભાજપનું નેતૃત્વ કરે છે, આ માત્ર બંધારણ ઉપર હૂમલો નથી પરંતુ ઇતિહાસ-સંસ્કૃતિ પર હૂમલો છે

નવી દિલ્હી, તા. ૨૭ : કોંગ્રેસ નેતા રાહુલ ગાંધીએ કેન્દ્ર સરકાર પર ચીનને લઇને ફરી એક વખત નિશાન સાધ્યું છે. રાહુલ ગાંધીએ તામિલનાડુના તૂતૂકુડીમાં કહ્યું કે ચીને ભારતના કેટલાક સ્ટ્રેટેજિક વિસ્તાર પર કબ્જો કર્યો છે. પહેલા તેમણે ડોકલામની અંદર પોતાના આઇડિયાનો પ્રયોગ કર્યો, જ્યારે તેણે જોયું કે ભારત તરફથી કોઇ પ્રતિક્રિયા નથી આપી ત્યારબાદ તેમણે પોતાનો આ આઇડિયા લદ્દાખ અને અરૂણાચલ પ્રદેશમાં પણ અજમાવ્યો.

આ સરકાર હશે ત્યાં સુધી દેપસાંગમાં આપણી જમીન પરત નહીં આવે. આ સિવાય રાહુલ ગાંધીએ કહ્યું કે ધર્મનિરપેક્ષતા આપણી સંસ્કૃતિ અને ઇતિહાસનો પાયો છે. આ દેશમાં ધર્મનિરપેક્ષતા પર હૂમલો થઇ રહ્યો છે. રાહુલ ગાંધીએ કહ્યું કે આરએસએસ ભાજપનું નેતૃત્વ કરી રહ્યું છે. આ માત્ર બંધારણ પર હૂમલો નથી પરંતુ ઇતિહાસ અને સંસ્કૃતિ પર હૂમલો છે. જેને રોકવો ઘણો જરૂરી છે.

રાહુલ ગાંધીએ કેન્દ્ર સરકાર પર તામિલ ભાષા અને સંસ્કૃતિના અપમાનનો આરોપ લગાવ્યો છે. તેમણે કહ્યું કે સરકાર દેશ અને તામિલનાડૂના લોકોનું અપમાન કરી રહી છે. તેઓ તામિલ ભાષા, ઇતિહાસ અને સંસ્કૃતિનું પણ અપમાન કરી રહ્યા છે. ભારત ઘણા બધા વિચારો, ભાષાઓ અને પરંપરાઓનો દેશ છે, તે તમામનું સન્માન થવું જોઇએ.

(9:21 pm IST)
  • રવિદાસજીએ સદીઓ પહેલા સમાનતા, સદભાવના અને કરૂણા પર સંદેશા આપ્યા હતા : નરેન્દ્રભાઈ : વડાપ્રધાન શ્રી નરેન્દ્રભાઇ મોદીએ આજે ટ્વિટર ઉપર લખ્યું છે કે સંત રવિદાસજીએ સદીઓ પહેલા સમાનતા, સદભાવના અને કરુણા પર સંદેશા આપ્યા હતા, જે યુગો યુગો સુધી દેશવાસીઓને પ્રેરણા આપશે. હું તેમની જન્મજયંતિ પર તેમને સાદર વંદન કરું છું. access_time 5:04 pm IST

  • સવારે ૪ાા વાગે સુરત નજીક હળવો ભૂકંપ : વહેલી સવારે ૪.૩૫ વાગ્યે સુરત પાસે ૩.૧ની તીવ્રતાનો હળવો ભૂકંપનો આંચકો અનુભવાયો છે. ભૂકંપનું કેન્દ્ર બિંદુ સુરતથી ત્રીસેક કિ.મી. દૂર નોંધાયું હતું. હળવો ભૂકંપ હોય કેન્દ્ર બિંદુ આસપાસના વિસ્તારો સિવાય ખાસ અસર જોવા મળી ન હોવાનું ચર્ચાય છે. access_time 12:44 pm IST

  • માર્ચ મહિનાથી દેશમાં ચાર મોટા બદલાવ : 60 વર્ષથી વધુની વયના અને 45 વધુ ઉંમરના બીમારી સામે ઝઝૂમતા લોકોનું થશે રસીકરણ :વિવાદથી વિશ્વાસ યોજનાનો લાભ લેવાની મુદત 31મી માર્ચ સુધી વધારી દેવાઈ :બેન્ક ઓડ બરોડામાં વિલય થતા દેનાબેંક અને વિજ્યાબેન્કના ખાતેદારોના એકાઉન્ટ નંબર અને આઇએફએસસી કોડ નવા લાગશે :બિહાર અને ઉત્તર પ્રદેશમાં ધોરણ પાંચ સુધીના બાળકો સ્કૂલે જઈ શકશે access_time 12:24 am IST