Gujarati News

મુંબઈ, તા. ૨૭ : નાણાકીય શેરોમાં વધારા અને ડેરિવેટિવ્ઝ માર્કેટમાં માસિક સોદામાં કાપ મૂકતા પહેલા વિદેશી ભંડોળનો સતત પ્રવાહ ચાલુ હોવાને લીધે શેર બજાર ગુરુવારે વધારા સાથે બંધ રહ્યો હતો. બોમ્બે સ્ટોક એક્સચેંજનો મુખ્ય સૂચકાંક સેન્સેક્સ ૩૯.૫૫ પોઇન્ટના ઉછાળા સાથે ૦.૧૦ ટકા વધીને ૩૯૧૧૩.૪૭ ની સપાટીએ બંધ રહ્યો છે. બીજી તરફ નેશનલ સ્ટોક એક્સચેંજનો નિફ્ટી ૯.૬૫ પોઇન્ટના નજીવા વધારા સાથે ૧૧૫૫૯.૨૫ ની સપાટીએ ૦.૦૮ ટકા વધીને બંધ રહ્યો હતો.

વિદેશી વિનિમય વેપારીઓએ જણાવ્યું હતું કે વિદેશી ભંડોળનો સતત ધસારો, સ્થાનિક શેરબજારમાં સકારાત્મક વલણ અને યુએસ ડોલરની નબળાઇએ રૂપિયાને ટેકો આપ્યો હતો અને રોકાણકારોની ભાવના મજબૂત કરી હતી. વિદેશી સંસ્થાકીય રોકાણકારોએ બુધવારે એકંદર ધોરણે રૂ. ૧,૫૮૧.૩૧ કરોડની ઇક્વિટી ખરીદી હતી, એમ શેરબજારના આંકડા મુજબ. બ્રેન્ટ ક્રૂડ વાયદો ૦.૧૫ ટકા વધીને ૪૫.૭૧ ડોલર પ્રતિ બેરલ પર ટ્રેડ કરી રહ્યો હતો.

મોટા શેરોની વાત કરીએ તો આજે ઈન્ડસઈન્ડ બેક્ન, એમ એન્ડ એમ, એસબીઆઇ, ગ્રાસીમ, એચડીએફસી, સન ફાર્મા, એક્સિસ બેંક, મારૂતિ, સિપ્લા અને આઈસીઆઈસીઆઈ બેંકના શેર લીલા નિશાન પર બંધ થયા છે. બીજી તરફ, ઇન્ફોસીસ, એનટીપીસી, ડોક રેડ્ડી, એચસીએલ ટેક, ટીસીએસ, બ્રિટાનિયા, ઇમ્પ્રિટેલ, બજાજ ફાઇનાન્સ અને આઇટીસીએ લાલ નિશાન બંધ થયા.

નબળી માગને કારણે વેપારીઓએ તેમના સોદાનું કદ ઘટાડતાં ગુરુવારે ફ્યુચર્સ માર્કેટમાં ક્રૂડ ઓઇલના ભાવમાં ૦.૮ ટકાનો ઘટાડા સાથે ૩,૨૦૯ રૂપિયા પ્રતિ બેરલ રાહ્યો હતો. મલ્ટી કોમોડિટી એક્સચેંજમાં સપ્ટેમ્બરમાં ડિલિવરી માટે ક્રૂડ તેલ રૂ .૨૬ અથવા ૦.૮ ટકા ઘટીને રૂ. ૩,૨૦૯ પ્રતિ બેરલ રહ્યું હતું. જેમાં ૩,૨૦૩ લોટનો વેપાર થયો છે. ઓક્ટોબરમાં ડિલિવરી માટે ક્રૂડ તેલ રૂ .૨૧ અથવા ૦.૬૪ ટકા ઘટીને બેરલ દીઠ રૂ. ૩,૨૪૫ પર પહોંચી ગયું છે. જેમાં ૩૬ લોટનો વેપાર થયો છે. વૈશ્વિક સ્તરે, ન્યુ યોર્કમાં વેસ્ટ ટેક્સાસ ઇન્ટરમિડિયેટ ક્રૂડ તેલ ૦.૨૧ ટકા ઘટીને ૪૩.૩૦ ડોલર પ્રતિ બેરલ હતું, જ્યારે બ્રેન્ટ ક્રૂડ ૦.૧૩ ટકા ઘટીને. ૪૫.૭૦ ડોલરના સ્તરે છે. નબળી હાજર માંગને કારણે વેપારીઓએ તેમના સોદાનું કદ ઘટાડ્યું, જેના કારણે ગુરુવારે ચાંદી રૂ .૩૫૪ ઘટીને ૬૭,૧૭૫ પર પ્રતિ કિલો થઈ ગઈ. મલ્ટિ કોમોડિટી એક્સચેંજમાં સપ્ટેમ્બરમાં ડિલિવરી માટે ચાંદી રૂ .૩૫૪ અથવા ૦.૫૨ ટકા ઘટીને રૂ. ૬૭,૧૭૫ પર આવી હતી, જેમાં ૭,૩૨૬ લોટના કારોબાર થયા છે. વૈશ્વિક સ્તરે, ન્યુ યોર્કમાં ચાંદી ૦.૦૪ ટકા ઘટીને ૨૭.૬૨ ડોલર પર પહોંચી ગઈ છે.