Gujarati News

નવી દિલ્હી: તેમના વફાદાર ૯૦ થી વધુ રાજસ્થાન કોંગ્રેસના ધારાસભ્યોએ આજે ​​રાત્રે રાજીનામું આપવાની ધમકી આપી હોવાથી, અશોક ગેહલોતે પાર્ટીના કેન્દ્રીય નેતૃત્વને જણાવ્યું હતું કે ધારાસભ્યો "તેમના હાથમાં નથી". આ ધારાસભ્યોએ વિધાનસભાના સ્પીકરને કહ્યું કે જો સરકાર પડી રહી હોય તો પણ ભલે, તેઓ રાજીનામું આપવા તૈયાર છે. ગેહલોતે કોંગ્રેસના નેતૃત્વના નજીકના નેતા કેસી વેણુગોપાલ સાથે ફોન પર વાત કરી અને કહ્યું, "મારા હાથમાં કંઈ નથી. ધારાસભ્યો નારાજ છે." આ તમામ ધારાસભ્યો અશોક ગહેલોત મુખ્યમંત્રી પદે ચાલુ રહે અથવા તો ગહેલોત જે નામ સૂચવે તેને મુખ્યમંત્રી બનાવવા માગણી કરી રહ્યા છે. કોંગ્રેસ હાઈ કમાન્ડની પસંદગી મનાતા સચિન પાયલોટ, રાજસ્થાનના નવા મુખ્યમંત્રી તરીકે, તેમને કોઈ કાળે માન્ય નથી.