Gujarati News

નવી દિલ્‍હી,તા.૨૮: આ સમયે દેશમાં કોરોનાવાયરસનો પ્રકોપ ફાટી નીકળ્‍યો છે. આવી સ્‍થિતિમાં, આને ટાળવા માટે આપણે સંપૂર્ણ સાવચેતી રાખવી જરૂરી છે. પરંતુ તો પણ ઘણી વાર આપણા પરિવારના કોઈ સભ્‍ય કોરોના સંક્રમિતની પકડમાં આવી જાય છે. તો આ નાજુક પરિસ્‍થિતિમાં આપણે કેવી તકેદારી રાખવી તે હજુ ઘણા લોકો સમજી નથી શકી રહ્યા. કારણ કે, જો દ્યરે કોરોના પોઝિટિવ દર્દી હોય, તો પછી તેની સંપૂર્ણ કાળજી લેવી જરૂરી છે, એક તરફ, પોતાને અને અન્‍ય લોકોને સંક્રમણથી બચાવવા તે પણ જરૂરી છે. હેલ્‍થલાઈનના એક અહેવાલ મુજબ, જો ઘરના કોઈ સભ્‍યને સંક્રમણ લાગ્‍યો હોય તો, ઘરના અન્‍ય લોકોને ચેપ લાગવાનું જોખમ આશરે ૫૦% વધી જાય છે. આવી સ્‍થિતિમાં, જયારે તમારો પાર્ટનર કે પરિવારનું સભ્‍ય કોવિડ -૧૯ ચેપગ્રસ્‍ત થઈ જાય છે, ત્‍યારે મદદ કરવા અને તેમની સંભાળ રાખવાની સાથે પોતાને સુરક્ષિત રાખવો એ કોઈ પડકાર ઓછું નથી. આ માટે, નિષ્‍ણાતોએ કેટલાક મહત્‍વપૂર્ણ સૂચનો આપ્‍યા છે.

બેડરૂમ અને બાથરૂમ અલગ કરો 

જો તમારા જીવનસાથી અથવા ઘરના કોઈ અન્‍ય સભ્‍યને કોરોના ચેપ લાગ્‍યો છે, તો પછી કોવિડ -૧૯ દર્દીને ઘરના અન્‍ય લોકોથી અલગ રાખો. જો શક્‍ય હોય તો, ચેપગ્રસ્‍ત વ્‍યક્‍તિને એક અલગ બેડરૂમ અને બાથરૂમનો ઉપયોગ કરવા આપી દેવો જોઈએ. આ ઉપરાંત, પરિવારના અન્‍ય સભ્‍યો દર્દીથી પૂરતું અંતર જાળવતું રહેવું જોઈએ. જેથી દર્દીને અસુવિધા ન થાય અને ન તો તે અન્‍ય લોકોના સંપર્કમાં આવી શકે.

રૂમની બારી ખુલી રાખો  

તમે જયાં વસવાટ કરો છો, તેમાં હવાની અવર-જવર રહે તે ખુબ જરૂરી છે, જેથી રૂમની વિંડોઝ શક્‍ય અને દરવાજો બને તેટલો ખુલ્લો રાખો. ચેપગ્રસ્‍ત વ્‍યક્‍તિના સંપર્કમાં આવેલા દરેકને કોરોના ચેપ વિશે જણાવવાનું ભૂલશો નહીં, જેથી તે પણ સચેત રહે.

માસ્‍કથી ઓછો ભય રહેશે 

માંદગીમાં રહેલ વ્‍યક્‍તિએ અન્‍ય લોકોની આસપાસ રહેતા સમયે માસ્‍ક પહેરવું જોઈએ અને જે વ્‍યક્‍તિ તેની સાથે રહે છે, સંભાળ રાખનારાઓએ પણ માસ્‍ક પહેરવા જોઈએ અથવા તેમનો ચહેરો ઢાંકેલો રાખવો જોઈએ. માસ્‍ક પહેરનાર લોકોને કોરોના ચેપનું જોખમ ઓછું રહે છે. આ ઉપરાંત, જયારે તમે કોઈ ચેપગ્રસ્‍ત વ્‍યક્‍તિની નજીક હો ત્‍યારે તમારે આંખો ફીટ રહે તેવા કાળા ચશ્‍મા પહેરવા જોઈએ. આ વાયરસને સીધો આંખથી મ્‍યુકોસ મેમ્‍બરમાં જતા અટકાવી શકે છે.

તમારા હાથની સંભાળ રાખો 

સીડીસી (Centers For Disease Control And Prevention) સૂચવે છે કે, હાથની સ્‍વચ્‍છતા જાળવવી જોઈએ. તમારા હાથને ઓછામાં ઓછા ૨૦ સેકંડ માટે સાબુ અને પાણીથી ધોઈ લો. ખાસ કરીને ત્‍યારે જયારે સંક્રમિત વ્‍યક્‍તિ જોડે જઈને આવ્‍યા હોય ત્‍યારે. જો સાબુ અને પાણી સરળતાથી ઉપલબ્‍ધ ન હોય તો ઓછામાં ઓછા ૬૦ ટકા આલ્‍કોહોલનો ઉપયોગ કરો. તમારી આંખો, નાક અને મોઢાને હાથથી સ્‍પર્શ કરવાનું પણ ટાળો. ઉપરાંત, ઘરની સાથે અન્‍ય વસ્‍તુઓની સફાઈ પર પણ ધ્‍યાન આપો.

આ સાવચેતીઓ પણ મહત્‍વપૂર્ણ છે

* સંક્રમિત વ્‍યક્‍તિની ખાવાની ઈચ્‍છા ઓછી થવા લાગે છે. આ સ્‍થિતિમાં, તેના સ્‍વાસ્‍થ્‍યને સારું રાખવા માટે હળવું અને તાજુ ભોજન આપો, જેથી શરીરને પોષક તત્‍વો મળે અને આરોગ્‍ય ઝડપથી સુધરી શકે. પરંતુ સાથે જમવા બેસવાનું ટાળો, તથા સંક્રમિત વ્‍યક્‍તિના વાસણ અલગ રાખો.

* ચેપગ્રસ્‍ત વ્‍યક્‍તિ દ્વારા ઉપયોગમાં લેવામાં આવતી વસ્‍તુઓ જુદી જુદી હોવી જોઈએ. તેમના કપડા અલગથી ધોવા, આ પ્રકારની સાવચેતી રાખવાથી ચેપનું જોખમ અન્‍ય લોકો સુધી નહીં પહોંચી શકે.