Gujarati News

નવી દિલ્હી, તા.૨૮ : લગ્ન પ્રસંગોમાં સામાન્ય રીતે કંઈને કંઈક એવું થતું હોય છે કે જેને લીધે તે ઘટના હંમેશા યાદગાર રહી જાય છે. સોશિયલ મીડિયા પર પણ આવા અનેક વિડિયોની જાણે ભરમાર લાગેલી હોય છે, જેમાં લગ્નના દિવસે ભારે આશ્ચર્ય સર્જે તેવી ઘટના બનતી હોય છે. ક્યારેક દુલ્હન તો ક્યારેક વરરાજાની હરકતોનો વિડિયો વાયરલ થાય છે. ક્યારેક તો તેમના મિત્રો જ એવી કોઈ હરકત કરી નાંખે છે કે જેને લીધે તે ચર્ચાનો વિષય બની જાય છે. આવો જ એક વિડિયો અત્યારે સોશિયલ મીડિયા પર વાયરલ થઈ રહ્યો છે, જેમાં વરરાજા સ્ટેજ પર દુલ્હનની સાથે કંઈક એવું કરે છે કે તેને લીધે સૌ કોઈને ભારે આશ્ચર્ય થાય છે.

વાયરલ થઈ રહેલા આ વિડિયોમાં તમે જોઈ શકો છો કે વરરાજા અને દુલ્હન લગ્નના સ્ટેજ પર ઉભા છે.

દુલ્હન વરમાળાની વિધિ બાદ વરરાજાના ચરણ સ્પર્શ કરે છે. ત્યારબાદ વરરાજા એવા તે ખુશ થઈ જાય છે કે તે નીચે બેસી જાય છે અને સંપૂર્ણપણે ઝૂકીને દુલ્હનના ચરણ સ્પર્શ કરે છે. આ જોઈને સૌ કોઈને ભારે આશ્ચર્ય થાય છે. આ વિડિયો સગા સંબંધીઓએ સોશિયલ મીડિયા પર વાયરલ કર્યો હતો.

આ વિડિયોને અનેક લોકો ખૂબ જ પસંદ કરે છે અને આ સાથે વરરાજાની પણ ખૂબ જ પ્રશંસા કરે છે. આ વિડિયો ઈન્સ્ટાગ્રામ પર ખૂબ જ વાયરલ થઈ રહ્યો છે. વિડિયોને અત્યાર સુધીમાં હજારોની સંખ્યામાં લાઈક્સ મળી ચુકી છે અને અસંખ્ય લોકો દ્વારા કોમેન્ટ્સ પણ કરવામાં આવી છે. એક યુઝરે લખ્યું- નારી સન્માન થવું જોઈએ, અન્ય એક લખે છે કે સૌ કોઈએ મહિલાઓને આ રીતે જ સન્માન આપવામાં આવવું જોઈએ.