Gujarati News

Gujarati News

News of Thursday, 29th September 2022

બેંકોની લોન નહીં ચુકવવામાં દિલ્‍હી-મહારાષ્ટ્ર સૌથી આગળ

સરકારી બેંકોની સૌથી વધુ રકમ બાકી : તેલંગાણા ત્રીજા સ્‍થાન પર

નવી દિલ્‍હી તા. ૨૯ : મહારાષ્ટ્ર અને દિલ્‍હીના લોકો સમગ્ર દેશમાં બેંક લોન ન ચૂકવવામાં સૌથી આગળ છે. ટ્રાન્‍સયુનિયનᅠસિબિલના જણાવ્‍યા અનુસાર, આ બે રાજયો અને કેન્‍દ્રશાસિત પ્રદેશોના ૩૦,૩૫૯ લોન લેનારાઓએ રૂ. ૮.૫૮ લાખ કરોડનું ડિફોલ્‍ટ કર્યું છે. આ તમામ પર ૧ કરોડ રૂપિયાથી વધુનું દેવું છે. બેંકોએ તેમની સામે કેસ નોંધ્‍યો છે. આ આંકડો ૩૧ માર્ચ, ૨૦૨૨ની છે.

રિપોર્ટમાં કહેવામાં આવ્‍યું છે કે ૩૧ માર્ચ, ૨૦૧૭થી આ પ્રકારની લોનમાં ત્રણ ગણો વધારો થયો છે. તે સમયે, ૩૨ રાજયોના ૧૭,૨૩૬ ડિફોલ્‍ટરો પાસે કુલ રૂ. ૨.૫૮ લાખ કરોડનું બાકી હતું. ડિફોલ્‍ટર્સની યાદીમાં મહારાષ્ટ્ર ટોચ પર છે. અહીં ૭,૯૫૪ ડિફોલ્‍ટરો પાસે ૩.૮૨ લાખ કરોડ રૂપિયા બાકી છે. દિલ્‍હીના ૨,૮૬૭ લોકો પર ૧.૧૪ લાખ કરોડનું દેવું છે.

તેલંગાણા ત્રીજા ક્રમે છે. ડિફોલ્‍ટ લોનમાં ૧૨ જાહેર ક્ષેત્રની બેંકોનો હિસ્‍સો સૌથી વધુ ૫.૯૦ લાખ કરોડ છે. તેના પર ૨૦ હજારથી વધુ કેસ નોંધાયા છે. SBI પાસે ૧.૬૦ લાખ કરોડ અને પંજાબ નેશનલ બેંક પાસે ૧.૦૮ લાખ કરોડ બાકી છે.

પ્રાઈવેટ બેંકો પર રૂ. ૧.૩૨ લાખ કરોડનું દેવું છે. તેમના પર ૬,૮૯૭ કેસ નોંધાયા છે. વિદેશી બેંકોએ ૫૭૨ લોકોના રૂ. ૧૩,૬૬૯ કરોડ દેવાના બાકી છે. ૨૦ સહકારી બેંકો પર ૩,૫૯૯ કરોડ રૂપિયાનું દેવું છે.

(12:19 pm IST)