Gujarati News

નવી દિલ્‍લી તા.૩૦ : આવતીકાલથી ભારત અને ઈંગ્‍લેન્‍ડ વચ્‍ચે ટેસ્‍ટ મેચનો પ્રારંભ થશે. પરંતુ એ પહેલા જ રોહિત શર્મા કોરોના સંક્રમિત થઈ જતા ભારતીય ટીમ અસમંજસમાં મુકાણી છે. જેમાં રોહિતનાં સ્‍થાને જસપ્રીત બુમરાહને કેપ્‍ટન બનાવી શકવાની સંભાવનાં સેવાઈ રહી છે. પરંતુ રોહિતનાં સ્‍થાને ઓપનિંગ કોણ કરશે ? એ અંગે હજૂ કોઈ નિર્ણય લેવાયો નથી. જોકે, મયંક અગ્રવાલને બેકઅપ રૂપે બોલાવવામાં આવ્‍યો હોવા છતા તેને ટીમમાં સ્‍થાન મળવાની સંભાવનાં ઓછી હોવાનુ જાણવા મળી રહયુ છે. બ્રિટનમાં બન્‍યો અજીબો-ગરીબ બનાવ ! : હોસ્‍પિટલમાં સરવારનાં નામે આવેલ પ્રેમી પંખીડાઓ અંગત પળો માણતા પકડાતા કોર્ટે ફટકાર્યો દંડ

જોકે, રોહિત શર્માની જગ્યાએ બેકઅપ ઓપનર તરીકે મયંક અગ્રવાલને ઈંગ્લેન્ડમાં બોલાવવામાં આવ્યો હતો. પરંતુ, મયંક અગ્રવાલ અત્યારે ટીમ મેનેજમેન્ટની પ્લેઈંગ ઈલેવનની યાદીમાં ફિટ હોય તેમ લાગતું નથી. કદાચ તેનું તાજેતરનું ફોર્મ આનું કારણ હોઈ શકે છે.

BCCIના સૂત્રો પાસેથી મળતી માહિતી અનુસાર  કે, મયંક નિઃશંકપણે રોહિત શર્માના બેકઅપ તરીકે ઈંગ્લેન્ડ આવ્યો છે, પરંતુ ચેતેશ્વર પૂજારા ટીમ માટે ઓપનિંગ કરતો જોવા મળી શકે છે. આ સિવાય હનુમા વિહારી અને કેએસ ભરત પણ ઓપનિંગના દાવેદાર છે. 2018ના ઓસ્ટ્રેલિયા પ્રવાસમાં હનુમાએ સારું પ્રદર્શન કર્યું હતું. તે જ સમયે, કેએસ ભરતે પ્રેક્ટિસ મેચમાં સારી ઇનિંગ રમી છે. જોકે, આશા છે કે પૂજારાને ઓપનિંગમાં તક મળી શકે છે.

જો પુજારા એજબેસ્ટન ટેસ્ટમાં ટીમ ઈન્ડિયા માટે ઓપનિંગ કરે છે, તો હનુમા વિહારી ત્રીજા નંબર પર રમતા જોવા મળી શકે છે, જે પૂજારાની વાસ્તવિક સ્થિતિ છે. આ સિવાય ભારત બેટિંગ ક્રમમાં વિરાટ કોહલી, શ્રેયસ અય્યર, ઋષભ પંતની સાથે જઈ શકે છે. બીજી તરફ બોલિંગ લાઇન અપમાં એ જોવાનું રસપ્રદ રહેશે કે શું ભારત ચોથા ફાસ્ટ બોલર તરીકે શાર્દુલ ઠાકુરને તક આપે છે કે પછી જાડેજા અને અશ્વિનની જોડીમાં વિશ્વાસ રાખે છે.

ભારત અને ઈંગ્લેન્ડ વચ્ચે પટૌડી શ્રેણીની 5મી ટેસ્ટ એજબેસ્ટન ખાતે રમાઈ રહી છે. આ પહેલા રમાયેલી 4 ટેસ્ટમાં ભારત 2-1થી આગળ છે. રોહિત શર્માનું બહાર થવું પણ ભારત માટે એક આંચકો છે કારણ કે તે 4 ટેસ્ટમાં તેણે ભારત માટે સૌથી વધુ 368 રન બનાવ્યા છે. કેએલ રાહુલ 315 રન બનાવ્યા બાદ બીજો મોટો રનર હતો પરંતુ તે એજબેસ્ટન ટેસ્ટમાંથી પણ બહાર છે. તે જ સમયે, પૂજારાએ છેલ્લી 4 ટેસ્ટમાં 227 રન બનાવ્યા છે અને તે ભારત તરફથી ત્રીજા સૌથી સફળ બેટ્સમેન હતો.