Gujarati News

બેગૂલસરાય,તા.૩૧ : બિહારના બેગૂલસરામાં જયારે એક પતિનો ખૌફનાક ષડયંત્રનો ખુલાસો થયો તો લોકોના રૃંવાડા ઊભા થઈ ગયા હતા. જલ્લાદ પતિએ પોતાની ડિવોર્સી પત્નીના પિયરમાં જઈને આખા પરિવારને એક રૂમમાં બંધ કરી દીધા હતા. અને બાદમાં આગ લગાવી દીધી હતી. આ કમકમાટી ભરી ઘટનામાં પતિની સાસુ અને પુત્રીનું આગમાં દાઝી જવાથી દર્દનાક મોત થયું હતું. જયારે પત્ની અને ત્રણ બાળકો ગંભીર રૂપથી દાઝી ગયા હતા.

આ સનસની ખેસ ઘટના ઓપીના ગઢહાર વોર્ડ નંબર ૧૧ની છે. આરોપી પતિનું નામ મોહ્મ દ મુખ્તાર છે જે બિહટ બિહારી ટોલાનો રહેવાશી છે. આરોપી મોહમ્મદ મુખ્તારે પોાતની પત્ની હલીમા ખાતૂનને ચાર વર્ષ પહેલા છૂટાછેડા આપ્યા હતા. ત્યાબાદ હલીમા ખાતૂન પોતાના બાળકો લઈને માતા સાથે રહેતી હતી.

આરોપ છે કે શનિવારે રાત્રે ૩ વાગ્યાની આસપાસ પતિ મોહમ્મદ મુખ્તાર પોતાના સહયોગી સાથે પહોંચ્યો હતો. જયાં રૂમને બહારથી બંધ કરીને તેલ છાંટીને આગ લગાવી દીધી હતી. આગ એટલી ઝડપથી ફેલાઈ ગઈ કે રૂમમાં સુઈ રહેલા ૭૦ વર્ષી સાસું સલેખા ખાતૂન, ૪૫ વર્ષીય પત્ની ઈલીમા ખાતૂન અને ૧૬ વર્ષી પુત્રી આસમા, નઝરાના ખાતૂન, મારુફ આગમાં સંપૂર્ણ પણે દાઝી ગયા હતા.

આગની લપટો જોઈને આસપાસના લોકોએ રૂમ ખોલીને બધાને બહાર કાઢ્યા હતા. આગથી દાઝેલા પરિવારના સભ્યોને બેગૂલસરાયની સદર હોસ્પિટલમાં દાખલ કરવામાં આવ્યા હતા.

જયાં સારવાર દરમિયાન સલેખા ખાતૂન અને પુત્રી આસમા ખાતૂનનું મોત નીપજયું હતું. આ આગમાં સંપૂર્ણ પણ ઘાયલ પત્ની હલીમા ખાતૂનની હાલત નાજુક બતાવવામાં આવી રહી છે.

ઘટના સ્થળે આરોપીની સાઈકલ, ચપ્પલ અને તેલનો ડબ્બો મળ્યો તો. માનવામાં આવી રહ્યું છે કે હલીમા ખાતૂનને પતિ સાથે ગણા દિવસોથી અનબન ચાલી રહી હતી. તેમના તલાક પણ થઈ ચૂકયા હતા. ગ્રામીણોએ જણાવ્યું કે ખાતૂન શાકભાજી વેચીને પોતાના પરિવારનું ભરણપોષણ કરતી હતી.