ચીનના ડરથી હજારો લોકોએ હોંગકોંગ છોડીને બ્રિટનની વાટ પકડી

હોંગકોંગમાં માનવાધિકારનું ઉલ્લંઘન થશે તો બ્રિટન નાગરિકતા આપશે તેવા પીએમના નિવેદન બાદ લોકોનો બ્રિટન તરફ પ્રવાહ વધ્યો

નવી દિલ્હી : હોંગકોંગ પર વધુ નિયંત્રણ મેળવવા માટે ચીને ગયા વર્ષે રાષ્ટ્રીય સુરક્ષા કાયદો લાગુ કર્યો હતો. આ અંતર્ગત, ચીનનો વિરોધ કરનારા સામે પગલાં લેવાનું સરળ બન્યું છે. પરંતુ હવે હજારો લોકો ચીનના ડરથી હોંગકોંગ છોડીને બ્રિટન જવા લાગ્યા છે.

ચીન દ્વારા હોંગકોંગમાં નેશનલ સિક્યુરિટી એક્ટ લાગુ થયા પછી, બ્રિટિશ વડા પ્રધાન બોરિસ જ્હોન્સને ગયા વર્ષે કહ્યું હતું કે જો ચીન હોંગકોંગમાં માનવાધિકારનું ઉલ્લંઘન કરે છે, તો તેમની પાસે હોંગકોંગના નાગરિકોને બ્રિટિશ નાગરિક્તા આપવા સિવાય અન્ય કોઇ વિકલ્પ રહેશે નહીં. બ્રિટનની ઓફર બાદ હજારો લોકો હોંગકોંગ છોડીને બ્રિટન આવી ગયા છે હકીકતમાં, 1997 માં, બ્રિટને એક કરાર હેઠળ હોંગકોંગને ચીનને સોંપ્યું હતું. ત્યારથી, હોંગકોંગમાં એક દેશ બે પ્રણાલી હેઠળ શાસન ચાલી રહ્યું છે. ચીન-બ્રિટીશ કરારમાં એ શરત શામેલ છે કે 50 વર્ષ સુધી હોંગકોંગની આર્થિક અને રાજકીય વ્યવસ્થામાં ફેરફાર કરવામાં આવશે નહીં.

અત્રે ઉલ્લેખનિય છે કે હોંગકોંગના લગભગ 3 લાખ 50 હજાર લોકો પાસે બ્રિટનનો નેશનલ ઓવરસીઝ પાસપોર્ટ છે. જ્યારે અન્ય 25 લાખ લોકો આ પાસપોર્ટ માટે લાયક છે. હાલમાં, આ પાસપોર્ટવાળા લોકો બ્રિટનમાં વિઝા વિના 6 મહિના સુધી રહી શકે છે.

બ્રિટનના વડા પ્રધાન બોરિસ જ્હોનને કહ્યું છે કે ચીન દ્વારા રાષ્ટ્રીય સુરક્ષા અધિનિયમ લાગુ થયા બાદ બ્રિટીશ નેશનલ ઓવરસીઝ (BNO) પાસપોર્ટ ધરાવતા લોકોને 12 મહિના માટે વિઝા આપવામાં આવશે અને તેમને કામ કરવાનો અધિકાર પણ મળશે. 12 મહિના પછી તેમના વિઝા રિન્યુ કરાશે. આ રીતે, તેઓ બ્રિટનમાં નાગરિકત્વ મેળવવાના કાર્યક્ષેત્રમાં આવશે. જોકે, ચીને બ્રિટનનાં આ પગલાનો વિરોધ કર્યો છે.

એસોસિએટેડ પ્રેસના રિપોર્ટ અનુસાર, હોંગકોંગમાં નેશનલ સિક્યુરિટી એક્ટ લાગુ થયા પછી ઘણા હજાર લોકો બ્રિટનમાં સ્થળાંતર થયા છે. તેમાંથી ઘણા લોકો એવા છે જેમની હોંગકોંગમાં ઘણી સંપત્તિ હતી. હોંગકોંગથી બ્રિટન આવેલા લોકોનું કહેવું છે કે તેમણે જે બાબતોની સંભાળ લીધી છે, જેમ કે બોલવાની સ્વતંત્રતા, નિષ્પક્ષ ચૂંટણી, સ્વતંત્રતા, નાબૂદ કરવામાં આવ્યા છે.