દેશના અનેક રાજયોમાં પેટ્રોલ કરતાં CNG મોંઘુ
CNGથી વાહન ચલાવવાનું થયું મોંઘુઃ PNGના ભાવ પણ વધ્યાઃ રાંધવાનું મોંઘુ : CNG વાહનો અને ઘરવપરાશ માટે પુરા પડાતા PNGના ભાવમાં ૧૮ ટકાનો વધારો ઝીંકાતા બંને ઇંધણ મોંઘા થયાઃ CNGમાં રૂા.૪.૩૨ પ્રતિ કિલો તો પીએનજીમાં રૂા.૫.૦૨ પ્રતિ SCMનો વધારો કરાયો
નવી દિલ્હી, તા.૨: સમય ઘણો શક્તિશાળી છે. આ કહેવત અહીં પણ કહી શકાય. એક સમય હતો જયારે CNG પેટ્રોલ કરતા સસ્તું હતું, એટલા માટે લોકો પેટ્રોલ કારમાં દરરોજ CNG કિટ લગાવતા હતા. આજે સમય બદલાઈ ગયો છે. હવે CNG પેટ્રોલ કરતા મોંઘુ થઈ ગયું છે. પીએનજીના ભાવ પણ વધ્યા છે જેના કારણે રાંધવાનું પણ મોંઘુ થઇ ગયું છે સીએનજી પીએનજી માટે પુરા પડાતા ગેસના ભાવમાં ૧૮ ટકાનો વધારો ઝીંકાતા બંને ઇંધણ મોંઘા થયા છે.
સોમવારે ભાવ વધારાની જાહેરાત બાદ આગરામાં મંગળવારે સવારે ઘ્ફઞ્ની કિંમત ૯૭.૨૫ રૂપિયા પ્રતિ કિલો થઈ ગઈ છે. આ સાથે રાંધણગેસ પીએનજીની કિંમતમાં પણ વધારો થયો છે. તે લ્ઘ્પ્ દીઠ રૂ. ૪ મોંઘો થયો છે. CNG ની નવી કિંમત હવે ૫૬.૨૦ રૂપિયા લ્ઘ્પ્ થઈ ગઈ છે. તે જ સમયે, પેટ્રોલ અને ડીઝલના ભાવમાં હજુ સુધી કોઈ ફેરફાર થયો નથી.
મંગળવારે સવારે આગ્રામાં સરકારી કંપનીઓના પંપ પર પેટ્રોલ ૯૬.૩૫ રૂપિયા પ્રતિ લીટર અને ડીઝલ ૮૯.૫૨ રૂપિયા પ્રતિ લીટરના ભાવે વેચાઈ રહ્યું છે. CNG ની સરખામણીએ પેટ્રોલ હવે લગભગ ૧ રૂપિયા પ્રતિ લિટર સસ્તું છે. તમને જણાવી દઈએ કે ૨૨ મે પહેલા આગ્રામાં એક લીટર પેટ્રોલ ૧૦૫ રૂપિયામાં આવતું હતું.
મોંઘવારીથી ત્રસ્ત જનતાને ફરી એકવાર સીએનજી અને પીએનજીના દરમાં વધારાને કારણે બેવડો ફટકો પડ્યો છે. જયાં ચાલકોએ હવે સીએનજી માટે ૫ રૂપિયા વધારાના ખર્ચવા પડશે. તે જ સમયે, ઘરેલુ ગેસ પીએનજી માટે પણ મહિલાઓને ૪.૭૫ રૂપિયા વધુ ચૂકવવા પડશે. પેટ્રોલ અને ડીઝલની વધતી કિંમતોથી પરેશાન લોકો માટે આ કોઈ મોટા આંચકાથી ઓછું નથી. કારણ કે સીએનજીની કિંમત હવે ડીઝલને પાર કરીને પેટ્રોલની એકદમ નજીક પહોંચી ગઈ છે. કહેવામાં આવી રહ્યું છે કે આંતરરાષ્ટ્રીય બજારમાં રેટ વધવાને કારણે સીએનજી અને પીએનજીના ભાવમાં વધારો કરવામાં આવ્યો છે.
લખનૌ સહિત પાંચ શહેરોમાં ઘરેલુ ગેસ પીએનજીની સાથે સીએનજીના દરોમાં પણ વધારો કરવામાં આવ્યો છે. ગેસ સપ્લાયર ગ્રીન ગેસ લિમિટેડે CNG અને PNG માટે નવા દરો જાહેર કર્યા છે. CNG જયાં ૫ રૂપિયાના વધારા સાથે CNG હવે લખનૌમાં ૯૬.૧૦ રૂપિયામાં ઉપલબ્ધ છે. એ જ રીતે, PNG પર હવે ૪.૭૫ રૂપિયાનો વધારો ૫૬.૨૦ રૂપિયા પ્રતિ ક્યુબિક સ્ટાન્ડર્ડ મીટર પર મળી રહ્યો છે. આ વર્ષના આંકડાઓ પર નજર કરીએ તો ડિસેમ્બરથી અત્યાર સુધીમાં સીએનજીમાં ૨૫ રૂપિયાનો વધારો થયો છે. જયારે PNGમાં લગભગ રૂ.૧૯નો વધારો નોંધાયો છે.
પેટ્રોલ અને ડીઝલની સાથે સીએનજીના દરમાં પણ વધારો થતાં તેની અસર સામાન્ય લોકોના ખિસ્સા પર થવાની છે. કારણ કે જેમ જેમ દર વધે છે તેમ તેમ નૂર ચાર્જ પણ વધે છે. આ સાથે ખાનગી કંપનીઓ અને ટેક્સી ચાલકો પણ ભાડામાં વધારો કરે છે. સાથે સાથે ખાનગી વાહન માલિકોએ પણ વધારાનો ખર્ચ ઉઠાવવો પડે છે. ગ્રીન ગેસ લિમિટેડના એમડી જેપી સિંઘે જણાવ્યું હતું કે સીએનજીની ખરીદી અને સપ્લાય વચ્ચેનું અંતર વધી ગયું છે. આંતરરાષ્ટ્રીય બજારમાં ભાવ વધવાને કારણે સીએનજીના દરમાં વધારો કરવો અમારી મજબૂરી છે.
પીએનજીના દરમાં વધારો
૧૮ ડિસેમ્બરે ૩૭.૫૦
જાન્યુઆરીમાં પણ ૩૭.૫૦
૧લી એપ્રિલે ૪૫ રૂ
૨૩ એપ્રિલે ૪૭ રૂપિયા
૨૧મી મેના રોજ ૪૯.૮૦
૩૧મી જુલાઈના રોજ ૫૬.૨૦
સીએનજીના દરમાં સતત વધારો
૧૮ ડિસેમ્બરે ૭૨.૫૦
૧લી એપ્રિલે ૮૦.૮૦
૨૩ એપ્રિલના રોજ ૮૩.૮૦
૯ મેના રોજ ૮૫.૮૦
૨૧ મેના રોજ ૮૭.૮૦
૩૧ જુલાઇ રૂ. ૯૬.૧૦
૨૨ મેના રોજ કેન્દ્ર સરકારે એક્સાઇઝ ડ્યુટીમાં ઘટાડો કરીને થોડી રાહત આપી હતી. ત્યારપછી ઓઈલ કંપનીઓએ પેટ્રોલ અને ડીઝલના ભાવમાં કોઈ વધારો કર્યો નથી. એક્સાઈઝ ડ્યુટીમાં ઘટાડા બાદ આગ્રામાં પેટ્રોલની કિંમતમાં રૂ. ૯.૫૦ અને ડીઝલની કિંમતમાં રૂ.૭નો ઘટાડો થયો હતો. ગુજરાતમાં અદાણી અને ગુજરાત ગેસ પણ ભાવ વધારવા સજ્જ થઇ છે.
ખાનગી કંપનીઓની વાત કરીએ તો એસ્સાર અને રિલાયન્સ બંનેએ ભાવ વધાર્યા છે. કાલિંદી વિહાર સ્થિત એસ્સાર પંપ પર પેટ્રોલ ૧૦૧.૬૧ રૂપિયામાં મળે છે. તે જ સમયે, કુબેરપુર સ્થિત રિલાયન્સ પંપ પર પેટ્રોલ ૧૦૩.૨૩ રૂપિયા અને ડીઝલ ૯૪.૩૦ રૂપિયા છે. કિંમતોમાં વધારા બાદ ખાનગી કંપનીઓના પેટ્રોલ પંપના વેચાણ પર પણ અસર પડી રહી છે. ઘણા ડીલરો હવે સ્ટોક માટે પૂછતા નથી.