યુ.પી.ની અલ્હાબાદ હાઈકોર્ટ અને લખનૌ બેન્ચના 800 થી વધુ સરકારી વકીલો બરતરફ : નવા વકીલોને મળશે તક

લખનૌ : યુપીમાં અલ્હાબાદ હાઈકોર્ટ અને લખનૌ બેંચના 800થી વધુ સરકારી વકીલોને બરતરફ કરવામાં આવ્યા છે. હવે નવા વકીલોને તક મળશે.

યુપીની યોગી સરકારે અલ્હાબાદ હાઈકોર્ટ અને લખનૌ બેંચના 800થી વધુ સરકારી વકીલોને બરતરફ કર્યા છે. આ પછી નવા વકીલોને તક મળશે. આ અંગે આદેશ જારી કરવામાં આવ્યો છે. વાસ્તવમાં સરકારી વકીલોને લઈને દર પાંચ વર્ષે ઓર્ડર જારી કરવામાં આવે છે, જેમાં કેટલાકને દૂર કરવામાં આવે છે. તે પછી નવાને તક મળે છે.

ઉલ્લેખનીય છે કે સરકારી વકીલોની નિમણૂક કેન્દ્ર સરકાર અને રાજ્ય સરકાર બંને દ્વારા સંયુક્ત રીતે કરવામાં આવે છે. કઈ સરકાર વકીલોની નિમણૂક કરશે તે તમે કઈ કોર્ટમાં પ્રેક્ટિસ કરવા માંગો છો તેના પર નિર્ભર રહેશે, હાઈકોર્ટ કે જિલ્લા સ્તરની કોર્ટ. હાઈકોર્ટમાં પબ્લિક પ્રોસિક્યુટરની નિમણૂક જે તે રાજ્યની સરકાર અને કેન્દ્ર સરકાર દ્વારા હાઈકોર્ટની વિચારણા અને સલાહ બાદ કરવામાં આવે છે. સાથે જ જિલ્લા કોર્ટમાં વકીલોની નિમણૂક રાજ્ય સરકાર દ્વારા કરવામાં આવે છે.તેવું એચ.ટી.એચ.દ્વારા જાણવા મળે છે.