૧ વર્ષ સુધી રિચાર્જ કરવાનું ટેન્‍શન નહી! એરટેલના પ્‍લાનમાં ૭૩૦ જીબી ડેટા

અનલિમિટેડ કોલ અને ફ્રી ઓફર્સ

નવી દિલ્‍હી તા. ૨ : એરટેલ પાસે તેના ગ્રાહકો માટે પોસાય તેવા ભાવે ઘણા પ્‍લાન ઉપલબ્‍ધ છે. એરટેલ ગ્રાહકો પાસે 1 GB, 2 GB, 2.5 GB, 3 GB ડેટા પ્રતિ દિવસ અને અમર્યાદિત વોઇસ કોલિંગ સાથે કોમ્‍બો પ્‍લાન છે. જો તમને એવો પ્રીપેડ પ્‍લાન જોઈએ છે જે લાંબા સમય સુધી ચાલે અને વારંવાર રિચાર્જ કરવાની ચિંતા ન કરવી પડે. તેથી એરટેલનો રૂ. ૨,૯૯૯નો પ્રીપેડ પ્‍લાન શ્રેષ્ઠ છે. આ પ્રીપેડ પ્‍લાનની માન્‍યતા ૩૬૫ દિવસ છે અને તે બમ્‍પર ડેટા સાથે અમર્યાદિત કોલ્‍સ ઓફર કરે છે.

એરટેલના રૂ. ૨૯૯૯ પ્રીપેડ પ્‍લાનની વેલિડિટી ૩૬૫ દિવસ એટલે કે ૧ વર્ષ છે. એરટેલના આ પ્રીપેડ પ્‍લાનમાં ગ્રાહકોને દરરોજ ૨ જીબી ડેટા મળે છે. એટલે કે કુલ ૭૩૦ હાઇ-સ્‍પીડ ડેટા ખર્ચી શકાય છે. દરરોજ મળતો ડેટા સમાપ્ત થયા પછી, સ્‍પીડ ઘટીને 64Kbps થઈ જાય છે.

આ સિવાય એરટેલના આ ૧ વર્ષની વેલિડિટી પ્‍લાનમાં અનલિમિટેડ કોલની સુવિધા પણ છે. એટલે કે ગ્રાહકો કોઈપણ વધારાના ચાર્જ વિના દેશભરમાં લોકલ, એસટીડી અને રોમિંગ કોલનો લાભ લઈ શકે છે. આ પ્‍લાનમાં દરરોજ 100 SMSની સુવિધા પણ છે.

 

આ સિવાય એરટેલના રૂ. ૨,૯૯૯ના પ્‍લાનમાં Apollo 24x7 સર્કલની સુવિધા ૩ મહિના માટે ઉપલબ્‍ધ છે. આ પ્‍લાનમાં Fastag પર ૧૦૦ કેશબેક, ફ્રી HelloTunes અને Wynk Music ફ્રી.

આ સિવાય એરટેલ પાસે ૩,૩૫૯ રૂપિયાનો પ્રીપેડ પ્‍લાન પણ છે. આ પ્‍લાનની વેલિડિટી પણ ૩૬૫ દિવસની છે. તેમાં અનલિમિટેડ કોલ, SMS જેવી સુવિધાઓ છે. આ સિવાય આ પ્રીપેડ પ્‍લાનમાં દરરોજ ૨.૫ જીબી ડેટા આપવામાં આવે છે. એરટેલના આ પ્‍લાનમાં ડિઝની + હોટસ્‍ટાર સબસ્‍ક્રિપ્‍શન પણ ૧ વર્ષ માટે ફ્રીમાં ઉપલબ્‍ધ છે.

એરટેલનો આ પ્‍લાન Jioના ૨,૯૯૯ રૂપિયાના પ્‍લાન સાથે ટક્કર આપે છે. Jioના પ્‍લાનમાં દરરોજ 2.5 GB ડેટા મળે છે. આ સિવાય અમર્યાદિત લોકલ, STD અને રોમિંગની પણ સુવિધા છે.