મમતા બેનર્જી ૨૦૨૪ની લોકસભા ચૂંટણી એકલા હાથે લડશે
કોઈ પક્ષ સાથે ગઢબંધન નહીં
કોલકાતા તા. ૩ : લોકસભા ચૂંટણી-૨૦૨૪ માટે વિપક્ષને એક કરવાના અભિયાનને તૃણમૂલ કોંગ્રેસના પ્રમુખ મમતા બેનર્જીના તાજેતરના નિવેદનથી આંચકો લાગ્યો છે. સામાન્ય ચૂંટણી ૨૦૨૪ માટે કોઈપણ ગઠબંધનની શક્યતા પર પ્રતિબંધ મૂકતા મમતાએ કહ્યું છે કે તેમની પાર્ટી આ ચૂંટણી એકલા હાથે લડશે. પﾍમિ બંગાળની સીએમ મમતાએ ગઇકાલે એક નિવેદનમાં કહ્યું હતું કે તૃણમૂલ કોંગ્રેસ આગામી વર્ષની લોકસભાની ચૂંટણી લોકોના સમર્થનથી એકલા હાથે લડશે. તેમણે કહ્યું, ‘૨૦૨૪માં અમે તૃણમૂલ કોંગ્રેસ અને લોકો વચ્ચે ગઠબંધન જોઈશું. અમે અન્ય કોઈ રાજકીય પક્ષ સાથે નહીં જઈએ, અમે લોકોના સમર્થનના બળ પર આ ચૂંટણી એકલા જ લડીશું.'
ત્રિપુરા વિધાનસભા ચૂંટણીના પરિણામોનો ઉલ્લેખ કરતાં તેમણે કહ્યું, ‘જે લોકો ભાજપને હરાવવા માંગે છે, હું માનું છું કે તેઓ અમારી તરફેણમાં મતદાન કરશે. સાથે જ, હું એ પણ માનું છું કે જેઓ CPI(M)ને મત આપી રહ્યા છે. અને કોંગ્રેસ વાસ્તવમાં એક રીતે ભાજપને જ મત આપી રહી છે. આ સત્ય આજે જ સામે આવ્યું છે.' નોંધપાત્ર રીતે, ત્રિપુરાની ૬૦ સભ્યોની વિધાનસભામાં ટીએમસી એક પણ બેઠક જીતવામાં નિષ્ફળ રહી છે.