ખેલરત્ન એવોર્ડ રાજીવ ગાંધીના નામને બદલે કોઇ પ્રતિષ્ઠિત ખેલાડીના નામે રાખો

સ્ટાર રેસલર બબીતા ફોગટનું ટવીટ

નવી દિલ્હીઃ 'દંગલ ગર્લ' બબીતા ફોગાટ હાલ પોતાના ટવીટસને લઇને ભારે ચર્ચામાં છે. આ ભારતીય પહેલવાને રાજીવ ગાંધી ખેલરત્ન એવોર્ડનું નામ બદલાવી તેની જગ્યાએ કોઇ પ્રતિષ્ઠિત ખેલાડીનું નામ રાખવા માંગ કરી છે.

બબીતાએ ટવીટ કરી કહ્યું કે રમત-ગમત સાથે જોડાયેલ તમામ પુરસ્કાર સન્માનીત ખેલાડીના નામે હોવુ જોઇએ અને કોઇ રાજનેતાના નામે ન હોવુ જોઇએ.બબીતાએ કહ્યુ કે ખેલરત્ન એવોર્ડ રાજીવ ગાંધીના નામને બદલે કોઇ ખેલાડીના નામે રાખવામાં આવે તે વધુ ઉચીત  રહેશે. આ એવોર્ડ લેતા સમયે ખેલાડી વધુ ગૌરવ અનુભવશે. આપણા દેશમાં ઓલિમ્પિક અને વિશ્વ ચેમ્પિયન છે અને ખેલાડી પણ આ પુરસ્કાર લેવા માટે ગૌરવ અનુભવશે.