પેટ્રોલ-ડીઝલના ભાવ વધારાનો વિરોધઃ યુવા કોંગ્રેસે પીએમ અને અનેક કેન્દ્રીય પ્રધાનોને સાયકલ કુરીયરથી મોકલી

કોંગ્રેસની યુવા પાંખે પેટ્રોલ-ડીઝલના વધી રહેલા ભાવોના વિરોધમાં ગઈકાલે પીએમ મોદી અને અનેક કેન્દ્રીય મંત્રીઓને તેમના સત્તાવાર નિવાસ સ્થાને સાયકલ કુરીયરથી મોકલી હતી. ભારતીય યુવા કોંગ્રેસના જણાવ્યા પ્રમાણે મોદી ઉપરાંત અમિત શાહ, ધર્મેન્દ્ર પ્રધાન, સ્મૃતિ ઈરાનીને અલગ અલગ સાયકલ વધી રહેલા પેટ્રોલ-ડીઝલના ભાવના વિરોધમાં કુરીયરના માધ્યમથી મોકલવામાં આવી હતી. ૨૦૧૪માં પેટ્રોલનો ભાવ ૭૦ હતો ત્યારે ભાજપના લોકો સાયકલને લઈને કોહરામ મચાવતા હતા. આજે પેટ્રોલનો ભાવ ૧૦૦ રૂ. ઉપર છે અને ભાજપવાળા કયાંક દેખાતા નથી. જૂની યાદોને તાજી કરવા આ સાયકલ મોકલવામાં આવી છે.