ક્રિપ્ટોકરન્સી એક્સચેન્જ પર EDની તવાઈ : વૉલ્ટની 370 કરોડ રૂપિયાની સંપત્તિ જપ્ત કરાઈ

ED વઝીરએક્સના અજાણ્યા વોલેટ્સમાં રૂ. 2,790 કરોડની ક્રિપ્ટો સંપત્તિના ટ્રાન્સફરની તપાસ કરી

નવી  દિલ્લી તા.11 : દેશમાં ક્રિપ્ટોકરન્સી એક્સચેન્જની સુવિધા પૂરી પાડતી કંપનીઓ સામે હવે EDએ લાલ આંખ કરી છે. ક્રિપ્ટોકરન્સી એક્સચેન્જથી થતાં બેનામી વ્યવહારો પર હવે તવાઈ બોલાવવામાં આવી છે. ત્યારેED એ અગાઉ વઝિરએક્સ નામના એક્સચેન્જની સંપત્તિઓ જપ્ત કરી હતી અને થોડા દિવસો પછી આજે એટલે કે ગુરુવારે, વૉલ્ડની સંપત્તિઓ પણ જપ્ત કરવામાં આવી છે.

મની લોન્ડરિંગ સંબંધિત તપાસ ચલાવી રહેલા EDએ ગુરુવારે વૉલ્ટની 370 કરોડ રૂપિયાની સંપત્તિ જપ્ત કરી છે.

દરમિયાન, વૈશ્વિક ક્રિપ્ટો એક્સચેન્જ Binance સોમવારે જાહેરાત કરી હતી કે તે WazirX સાથે તેના ઑફ-ચેઇન ફંડ ટ્રાન્સફરને બંધ કરી રહ્યું છે. વઝીરએક્સ સામે EDની કાર્યવાહી પહેલેથી જ ચાલી રહી છે. ED વઝીરએક્સના અજાણ્યા વોલેટ્સમાં રૂ. 2,790 કરોડની ક્રિપ્ટો સંપત્તિના ટ્રાન્સફરની તપાસ કરી રહી છે.

એટલું જ નહીં, ED અનેક ભારતીય નોન-બેંકિંગ ફાઇનાન્સ કંપનીઓ (NBFCs) અને તેમના ફિનટેક ભાગીદારો સામે મની લોન્ડરિંગની તપાસ કરી રહી છે. આ તપાસ RBIની ધિરાણ માર્ગદર્શિકાના ઉલ્લંઘન અને વ્યક્તિગત ડેટાના દુરુપયોગ માટે NBFCના ફિનટેક એસોસિએટ્સ સામે કરવામાં આવી રહી છે. આ સાથે લોન પર વધુ વ્યાજ લેવા માટે ખાતેદારો સાથે અપશબ્દો બોલવા અને ધાકધમકી આપવા બદલ પણ તપાસ ચાલી રહી છે.

તપાસ એજન્સીનું કહેવું છે કે ચીની કંપનીઓનું ઘણી ફિનટેક કંપનીઓમાં રોકાણ છે અને તેઓ આરબીઆઈ પાસેથી એનબીએફસીનું લાઇસન્સ મેળવી શક્યા નથી. આવી સ્થિતિમાં, તેમણે દેવાનો વ્યવસાય કરવા માટે એમઓયુનો માર્ગ અપનાવ્યો અને બંધ NBFC કંપનીઓ સાથે કરાર કર્યા, જેથી તેઓ તેમના લાઇસન્સ પર કામ કરી શકે.

જ્યારે આ મામલાની ફોજદારી તપાસ શરૂ થઈ, ત્યારે આમાંથી ઘણી ફિનટેક કંપનીઓએ તેમની દુકાનો બંધ કરી દીધી હતી અને તેઓએ કરેલા મોટા નફાને લોન્ડરિંગ કર્યું હતું. તપાસમાં એવું પણ જાણવા મળ્યું કે ફિનટેક કંપનીઓએ આ પૈસાથી મોટા પાયે ક્રિપ્ટો કરન્સી ખરીદી અને પછી આ પૈસા વિદેશમાં મોકલ્યા. EDનું કહેવું છે કે હાલ આ કંપનીઓ અને વર્ચ્યુઅલ એસેટ્સનો કોઈ સંકેત મળી રહ્યો નથી.

તપાસ એજન્સીએ આ કેસમાં ક્રિપ્ટો એક્સચેન્જ કંપનીઓને સમન્સ જારી કર્યા છે. એવું જોવામાં આવ્યું છે કે મોટા ભાગના નાણાંની લેવડદેવડ WazirX સાથે થઈ હતી અને ખરીદેલી ક્રિપ્ટો અસ્કયામતો અનામી વિદેશી વૉલેટમાં ડાયવર્ટ કરવામાં આવી હતી.

EDનું કહેવું છે કે વઝીર ક્રિપ્ટો એક્સચેન્જે યુએસ, સિંગાપોરમાં કેટલીક ક્રિપ્ટો એક્સચેન્જ કંપનીઓ સાથે વેબ એગ્રીમેન્ટ કર્યા હતા. પરંતુ હવે વઝીરએક્સના એમડી નિશ્ચલ શેટ્ટી પાસેથી મળેલી માહિતી અને ઝૈનમયના દાવા વચ્ચે તફાવત જોવા મળ્યો છે. આને ધ્યાનમાં રાખીને, EDએ તેની તપાસનો વ્યાપ વધારીને કંપનીના બેંક ખાતાઓ જોડ્યા છે.