પકોડીમાં રિંગ મૂકી ગર્લફ્રેન્ડને લગ્ન માટે પ્રપોઝ કરી દીધું

પ્રપોઝ કરવા માટે એકદમ નવો જ પ્લાન : યુવતી પીએચડી સ્ટુડન્ટ હોવાનું જાણવા મળ્યું છે, તેના બોયફ્રેન્ડે પકોડીમાં વેડિંગ રિંગ મૂકીને સરપ્રાઈઝ આપી

નવી દિલ્હી,તા.૧૨ : જ્યારે પણ કોઈ યુવક લગ્ન માટે યુવતીને પ્રપોઝ કરવાનું વિચારે ત્યારે એકદમ નવા આઈડિયા લઈ આવે છે. કોઈ વાઈનના ગ્લાસમાં તો પછી કોઈ કેકમાં વેડિંગ રિંગ મૂકીને પાર્ટનરને લગ્ન માટે પ્રપોઝ કરે છે.

લગ્ન માટે પ્રપોઝ કરવા માટેની દરેકની સ્ટાઈલ અલગ-અલગ હોય છે. ત્યારે એક યુવકે તેની ગર્લફ્રેન્ડને લગ્ન માટે પ્રપોઝ કરવા માટે એકદમ નવો જ પ્લાન વિચારી રાખ્યો હતો.

આ યુવકે પકોડીમાં વેડિંગ રિંગ એટલે કે લગ્ન માટેની વીંટી મૂકી દીધી. ગર્લફ્રેન્ડને પકોડી ખૂબ પસંદ હોવાથી આ રીતે પકોડીમાં વેડિંગ રિંગ મૂકીને લગ્ન માટે પ્રપોઝ કર્યું.

આ યુવતી પીએચડી સ્ટુડન્ટ હોવાનું જાણવા મળ્યું છે. તેના બોયફ્રેન્ડે પકોડીમાં વેડિંગ રિંગ મૂકીને સરપ્રાઈઝ આપી હતી. આ રીતે પકોડીમાં વેડિંગ રિંગ મૂકીને યુવતીને તેના બોયફ્રેન્ડે લગ્ન માટે પ્રપોઝ કર્યું હતું.

આ યુવતીએ ટ્વિટ કરીને આ વાતની જાણકારી આપી છે. તેણે લખ્યું કે હું પકોડીને તો ક્યારેય પણ ના પાડી શકું નહીં. મતલબ કે આ યુવતી તેના બોયફ્રેન્ડ સાથે લગ્ન માટે રાજી થઈ ગઈ.

હવે સોશિયલ મીડિયા યૂઝર્સ પણ આ અંગે વિવિધ પ્રતિક્રિયા આપી રહ્યા છે. એક યૂઝરે કોમેન્ટ કરતા લખ્યું કે આ તો ખૂબ ક્યુટ છે. જ્યારે અન્ય યૂઝરે લખ્યું કે જો આ વેડિંગ રિંગ ગળામાં ફસાઈ જાય તો શું કરવું?