જમ્મુ-કાશ્મીરના સામ્બામાં પાકિસ્તાની ડ્રોન દ્વારા શસ્ત્રો અને દારૂગોળો ઠાલવવામાં આવ્યો: દક્ષિણ કાશ્મીરના 3 ગામોમાં આતંકવાદીઓની શોધ સર્ચ ઓપરેશન પૂરજોશમાં ચાલુ: કુતરાઓની મદદ લીધી
જમ્મુ: પાકિસ્તાન સૈન્યએ ફરી એક વાર આંતરરાષ્ટ્રીય સરહદ પર ડ્રોનની મદદથી જમ્મુના સામ્બા સેક્ટર પર શસ્ત્રો અને દારૂગોળો મોકલ્યો છે. કાશ્મીરના ત્રણ ગામોમાં આતંકીઓને શિકાર બનાવવા માટે ભારતીય સુરક્ષાદળો દ્વારા ડ્રોનનો ઉપયોગ પણ કરવામાં આવી રહ્યો છે.
સામ્બા સેક્ટરમાં પાકિસ્તાન દ્વારા ડ્રોનથી ફેંકવામાં આવેલ શસ્ત્રોમાંથી એકે-૪૭ રાઇફલ, ૯ મીમીની પિસ્તોલ, પિસ્તોલનું મેગેઝિન અને ૧૫ રાઉન્ડ કર્ટ્સ મળી આવ્યા છે. દુશ્મનોએ આ શસ્ત્રો રાજ્યમાં કાર્યરત આતંકવાદીઓ સુધી લઈ જવાની યોજના ઘડી હતી. બોર્ડર સિક્યુરિટી ફોર્સના ડીઆઈજી એસપીએસ સંધુએ જણાવ્યું હતું કે હથિયારોની સાથે લાકડાની એક ફ્રેમ પણ મળી આવી હતી, જેની મદદથી ડ્રોન સાથે હથિયારો જોડાયેલા હતા.
આ દરમિયાન સુરક્ષાદળો દ્વારા દક્ષિણ કાશ્મીરના ત્રણ ગામોમાં આતંકીઓની ઘેરાબંધી હેઠળ સર્ચ ઓપરેશન હાથ ધરવામાં આવ્યું છે. હાલમાં, સર્ચ ઓપરેશન હજુ પણ ચાલુ છે.