મુખ્ય સમાચાર
News of Saturday, 14th May 2022

પોલીસની ભરતીમાં અરજી કરનાર ઉમેદવાર પુરૂષ નિકળ્યો

મહારાષ્ટ્રનો એક વિચિત્ર કહી શકાય એવો કિસ્સો : મેડિકલ ટેસ્ટમાં પુરુષ હોવાનું બહાર આવ્યું, કોર્ટે રાજ્ય સરકારને ઉમેદવારને ખાસ કેસમાં નોકરી આપવા જણાવ્યું

મુંબઈ, તા.૧૪ : મહારાષ્ટ્રના એક વિચિત્ર કહી શકાય તેવા કિસ્સામાં પોલીસ ભરતીમાં મહિલા તરીકે અરજી કરનાર ઉમેદવાર મેડિકલ ટેસ્ટમાં પુરુષ હોવાનું બહાર આવતા આખોય મામલો હાઈકોર્ટમાં પહોંચ્યો હતો. કોર્ટે તેના પર સુનાવણી કરીને રાજ્ય સરકારને ઉમેદવાર પ્રત્યે સહાનુભૂતિ દર્શાવીને તેને ખાસ કેસમાં નોકરી આપવા માટે જણાવ્યું હતું. કોર્ટના નિર્દેશ પર સરકારે પણ મહિલાને નોન-કોન્સ્ટેબલરી પોસ્ટ આપવાની તૈયારી દર્શાવી હતી. જોકે, મહિલા તરીકે જીવન જીવનારી આ ઉમેદવાર મેડિકલ ટેસ્ટમાં પુરુષ કઈ રીતે સાબિત થઈ તેનો કિસ્સો પણ કોઈ અચરજથી કમ નથી.

૧૯ વર્ષની વર્ષા (નામ બદલ્યું છે)એ ૨૦૧૮માં આવેલી નાશિક રુરલ પોલીસ રિક્રુટમેન્ટમાં જીઝ્ર કેટેગરીમાં અરજી કરી હતી. તેણે ફિઝિકલ ટેસ્ટ પાસ કર્યા બાદ પરીક્ષા પણ આપી હતી જેમાં તેને ૨૦૦માંથી ૧૭૧ માર્ક્સ આવ્યા હતા. ફિઝિકલ ટેસ્ટ તેમજ લેખિત પરીક્ષા પાસ કર્યા બાદ તેને જેજે હોસ્પિટલમાં મેડિકલ ટેસ્ટ માટે મોકલવામાં આવી હતી. તેની સોનોગ્રાફી કરવામાં આવી ત્યારે તેના શરીરમાં ગર્ભાશય અને અંડાશય હતાં જ નહીં, અને તેના બ્લેડર પાસે પ્રોસ્ટેટ જેવું સ્ટ્રકચર જોવા મળ્યું હતું. તેના પર કારયોટાઈપિંગ ટેસટ કરાયો હતો જેમાં તેનામાં પુરુષ અને મહિલા બંનેના ક્રોમોઝોમ્સ હોવાનું બહાર આવ્યું હતું, સમગ્ર પ્રક્રિયા બાદ ડૉક્ટરોએ તે પુરુષ હોવાનો મત આપ્યો હતો.

વર્ષોથી સ્ત્રીની જિંદગી જીવતી વર્ષાને જ્યારે તે પુરુષ છે તેમ કહેવાયું ત્યારે તેના પગ નીચેથી જમીન ખસી ગઈ હતી. તેના કારણે તેના હાથમાં આવેલી પોલીસની નોકરી પણ જાય તેમ હતું. જોકે, વર્ષાએ હાર ના માની અને નોકરી માટે કાયદાકીય લડાઈ શરુ કરી. બોમ્બે હાઈકોર્ટમાં પિટિશન દાખલ કરી વર્ષાએ દલીલ કરી કે તે જન્મી ત્યારથી મહિલા તરીકે જિંદગી જીવે

છે. તેના તમામ સર્ટિફિકેટમાં પણ તે મહિલા હોવાનો જ ઉલ્લેખ છે. આ સંજોગોમાં મેડિકલ ટેસ્ટના આધારે તેને પુરુષ ના ગણી શકાય અને તેણે પરીક્ષા પાસ કરીને લીધેલી નોકરી પર તેનો હક્ક છે. તેણે કોર્ટ સમક્ષ વિનંતી કરી હતી કે રાજ્ય સરકારને નિર્દેશ આપી તેનો નિમણૂંક પત્ર ઈશ્યૂ કરાવવામાં આવે.

વર્ષાએ પોતાની પિટિશનમાં તેના પરિવારની આર્થિક સ્થિતિનો ચિતાર પણ આપ્યો હતો. તેણે જણાવ્યું હતું કે તે મજૂરીકામ કરતા માતાપિતાના ત્રણ સંતાનોમાં સૌથી મોટી છે. પોલીસની નોકરીમાં તેને નોન-કોન્સ્ટેબલરી પોસ્ટિંગ આપવામાં આવે તો પણ વાંધો ના હોવાનું વર્ષાએ પિટિશનમાં કહ્યું હતું. કેસની સુનાવણી કરનારા હાઈકોર્ટના બે જજે વર્ષાને પોતાની ચેમ્બરમાં બોલાવી તેની સાથે વાતચીત પણ કરી હતી અને તેમાં તેમના ધ્યાને આવ્યું હતું કે તે પહેલાથી જ ભણવામાં ખૂબ જ હોશિયાર હતી. સમગ્ર સુનાવણી બાદ કોર્ટે આખાય મામલાને કમનસીબ ગણાવતા કહ્યું હતું કે તેમાં અરજદારનો કોઈ વાંક નથી. તે અત્યારસુધી સ્ત્રી તરીકે જ જીવી છે અને તેના તમામ સર્ટિફિકેટમાં પણ તેનો ઉલ્લેખ છે. કોર્ટે એમ પણ કહ્યું હતું કે અરજદાર ૨૦૧૮થી નોકરીની રાહ જોઈ રહ્યા છે તેથી હવે વધુ સમય તેમને રાહ ના જોવડાવવામાં આવે અને બે મહિનાની અંદર રાજ્ય સરકાર અને પોલીસ સાથે મળીને તેની નિયુક્તિ સુનિશ્ચિત કર

 

 

 

(7:59 pm IST)