તાલિબાનીઓને કારણે અફઘાનિસ્તાનમાં બ્લેક આઉટ : વીજ કંપનીઓને નાણા નથી ચૂકવાયા

વીજ કંપની દા અફઘાનિસ્તાન બ્રેશ્હના શેરકટ દ્વારા અંધારપટ માટે ટેકનીકલ કારણો હોવાનું જણાવાયું

કાબુલ,તા.૧૪:અફઘાનિસ્તાન આ દિવસોમાં મોટા સંકટમાંથી પસાર થઈ રહ્યું છે. રાજધાની કાબુલ સહિત દેશના કેટલાક અન્ય ભાગોમાં બુધવારે વીજળી ન હોવાના કારણે બ્લેકઆઉટની સ્થિતિ હતી. સમાચાર એજન્સીના જણાવ્યા અનુસાર, ઉઝબેકિસ્તાનથી દેશમાં વીજ પુરવઠો કેટલાક તકનીકી કારણોસર બંધ કરી દેવામાં આવ્યો છે. તેના કારણે દેશમાં વીજળીની કટોકટી ઉભી થઈ છે.

અફઘાનિસ્તાનની વીજ કંપની દા અફઘાનિસ્તાન બ્રેશ્હના શેરકટ (DABS) દ્વારા બહાર પાડવામાં આવેલા નિવેદનમાં તકનીકી કારણો ટાંકવામાં આવ્યા છે. પરંતુ આ વાત કોઈ માનતું નથી. થોડા દિવસો પહેલા કાબુલમાં પણ આવો જ અંધારપટ હતો અને આખું શહેર અંધકારમાં ડૂબી ગયું હતું.

એવું માનવામાં આવે છે કે દેશના નવા શાસક તાલિબાને હજુ સુધી મધ્ય એશિયાના વીજળી સપ્લાયરોને નાણાં ચૂકવ્યા નથી અથવા સપ્લાયરો માટે ગ્રાહકો પાસેથી નાણાં વસૂલવા માટે નવું માળખું તૈયાર કરવામાં આવ્યું નથી. આ કારણે આ સ્થિતિ ઉભી થઈ છે.

બાગલાન જેવા ઉત્ત્।ર અફઘાનિસ્તાનના પ્રાંતોમાં પણ આ તકનીકી સમસ્યા ઉભી થઈ હતી અને અહીં પણ અંધકાર હતો. વીજ કંપની દ્વારા જાહેર કરાયેલા નિવેદનમાં કહેવામાં આવ્યું છે કે ટેકિનકલ સ્ટાફ સમસ્યાનો વહેલી તકે ઉકેલ લાવવાનો પ્રયાસ કરી રહ્યો છે જેથી આ સમસ્યાનો ઉકેલ લાવી શકાય.

કેટલાક અહેવાલો અનુસાર, તાલિબાન આ સમયે મધ્ય એશિયાના વીજળી સપ્લાયર્સને નાણાં ચૂકવવામાં નિષ્ફળ રહ્યું છે. અફઘાનિસ્તાનની કુલ વીજળીના આશરે ૮૦ ટકા પાડોશી દેશો જેમ કે ઉઝબેકિસ્તાન, તાજિકિસ્તાન અને તુર્કમેનિસ્તાનમાંથી આવે છે.

અશરફ ગનીની સરકારને ઉથલાવીને જયારે તાલિબાને કાબુલ પર કબજો જમાવ્યો ત્યારે સંગઠને દેશના વીજ એકમો પર પણ કબજો જમાવ્યો. આ સાથે, તેની લોનની પ્રક્રિયા પણ તેમના ભાગમાં આવી.

હવે એવું કહેવામાં આવી રહ્યું છે કે તાલિબાન સપ્લાયર્સને નાણાં ચૂકવવામાં નિષ્ફળ રહ્યું છે. આનું કારણ એ છે કે તેઓ ગ્રાહકો પાસેથી ભંડોળ એકત્રિત કરી શકયા નથી અને ભંડોળની અછતને કારણે બીલ ચૂકવવામાં પણ અસમર્થ છે.

અફઘાનિસ્તાનનું વિઘુત બોર્ડ હવે તાલિબાનના નિયંત્રણમાં છે. તે તેને ધિરાણકર્તાઓને વેચવા માગે છે જેથી લગભગ ઼ ૬૨ મિલિયનનું બિલ ચૂકવી શકાય. DABAS ના કાર્યકારી વડા સફીઉલ્લાહ અહમદઝાઈએ કહ્યું છે કે ટૂંક સમયમાં આ યોજના અમલમાં આવશે અને સમગ્ર બિલ ચૂકવવામાં આવશે. આ પછી, અફઘાનિસ્તાનમાં વીજ સંકટ દૂર થશે.