મુખ્ય સમાચાર
News of Friday, 15th January 2021

સમગ્ર યુ.એસ.એ માં ૩ મહિના માસ્ક પહેરવાનું ફરજીયાત બનાવાશે ?

નવી દિલ્હીઃ ૨૦મીએ યુ.એસ.એ.ના પ્રમુખ ડોનાલ્ડ ટ્રમ્પની વિદાયના પગલે નવા પ્રમુખ જો બાયડનનું રાજ શરૂ થઇ જશે ત્યારે સહુ પ્રથમ પગલુ અમેરીકામાં ત્રણેક મહિના માસ્ક પહેરવાનું ફરજીયાત બનાવાશે તેમ આધારભૂત વર્તૂળોમાંથી જાણવા મળે છે. અમેરીકામાં દિવસોથી રોજના ૨ થી ૩ લાખ નવા કોરોના કેસો બહાર આવી રહયા છે અને દરરોજ પંદરસોથી ત્રણ હજાર નવા મૃત્યુ થઇ રહયા છે.

ડોનાલ્ડ ટ્રમ્પે માસ્ક પહેરવાની સંપૂર્ણ છુટ આપી દીધી છે. ત્યારે સમગ્ર યુએસએમાં કોરોના બેકાબુ બની ભયાનક રૂપ ધારણા કરી રહયો છે.

જો બાયડન સત્તા સંભાળતાવેંત કોરોના સામે જંગ શરૂ કરી વ્યાપક અસરકારક પગલા લેશે તેમ જાણવા મળે છે. તેમા માસ્ક પહેરવાનું ફરજીયાત બનાવાશે તેવી યુ.એસ.એ.માં પણ ભારે ચર્ચા છે.

(4:37 pm IST)