મિકસોપથીનો વિરોધ કરશે ઇન્ડીયન મેડીકલ એસોસીએશન

આયુર્વેદિક ડોકટરોને સામાન્ય સર્જરીની પરવાનગી આપતા કાયદાનો વિરોધ

નવી દિલ્હી, તા. ૧પ : આયુર્વેદિક ડોકટરોને સામાન્ય સર્જરીની પરવાનગી આપતી અધિસુચના વિરૂધ્ધ ઇન્ડીયન મેડીકલ એકસોસીએશન મોરચો ખોલી દીધો છે. એસોસીએશને મિકસોપથીનો વિરોધ કરવાનું અભિયાન વધારે તે જ કર્યુ છે. આઇએમએ દેશભરમાં ૧પ ફેબ્રુઆરીથી ૩૧ માર્ચ સુધી જનજાગરૂકતા અભિયાન ચલાવશે. સાથે જ આંદોલનની પણ જાહેરાત કરી છે.

આઇએમએ અનુસાર દેશના દરેક આઇએચએ સભ્ય, આધુનિક રહેલ આ અવૈજ્ઞાનિક ધાલમેલ અંગે જણાવશે. આઇએમએ દ્વારા અસહકાર આંદોલન શરૂ કરવાની પણ જાહેરાત કરાઇ છે. તેના હેઠળ સર્જન અને એનેસ્થેસીયો લોજીસ્ટ આયુષ સાથે જોડાયેલા લોકોને સર્જરીની ટ્રેનિંગ આપવામાં સહકાર નહીં આપે.