કાશ્મીરી પંડિત રાહુલ ભટ્ટની હત્યા મામલે સીએમ ઉદ્વવ ઠાકરેએ ભાજપ પર કર્યા તમતમતા પ્રહાર

કહ્યું કે અમારું હિન્દુત્વ હવે ગદા બની ગયું છે, તો હવે તમે જમ્મુ-કાશ્મીરમાં હનુમાન ચાલીસા વાંચશો? : નકલી ‘હિંદુત્વ’ પાર્ટી જે અમારી સાથે પહેલા હતી તે દેશને નરકમાં લઈ ગઈ છે.”

મહારાષ્ટ્રના મુખ્યમંત્રી ઉદ્ધવ ઠાકરેએ જમ્મુ અને કાશ્મીરના બડગામ જિલ્લામાં કાશ્મીરી પંડિત રાહુલ ભટ્ટની હત્યાને લઈને ભૂતપૂર્વ સહયોગી ભારતીય જનતા પાર્ટી પર આકરા પ્રહારો કર્યા હતા. કહ્યું કે અમારું હિન્દુત્વ હવે ગદા બની ગયું છે, તો હવે તમે જમ્મુ-કાશ્મીરમાં હનુમાન ચાલીસા વાંચશો? ભાજપને નકલી હિન્દુત્વ પાર્ટી ગણાવતા ઠાકરેએ ભાજપ પર કટાક્ષ કર્યો હતો.

મુંબઈમાં એક રેલીને સંબોધતા મુખ્ય પ્રધાન ઉદ્ધવ ઠાકરેએ કહ્યું, “આપણું ‘હિંદુત્વ’ ‘ગદાધારી’ બની ગયું છે. કાશ્મીરી પંડિત રાહુલ ભટ્ટને જમ્મુ-કાશ્મીરની એક તહેસીલ ઓફિસમાં આતંકવાદીઓએ મારી નાખ્યા, હવે તમે (ભાજપ) શું કરી રહી છે?  તમે ત્યાં હનુમાન ચાલીસા વાંચશો”?

ભાજપને નકલી ‘હિંદુત્વ પાર્ટી’ ગણાવતા, ઠાકરેએ ભગવા પાર્ટી પર તેમનો હુમલો ચાલુ રાખ્યો. કહ્યું કે “મોંઘવારી વિશે કોઈ બોલતું નથી. ભાજપ સાથે ગઠબંધનને કારણે અમે અમારા 25 વર્ષ વેડફ્યા, તે સૌથી ખરાબ છે. નકલી ‘હિંદુત્વ’ પાર્ટી જે અમારી સાથે પહેલા હતી તે દેશને નરકમાં લઈ ગઈ છે.”

ઠાકરેનો ગુસ્સો રાજ્યમાં હનુમાન ચાલીસાના મંત્રોચ્ચારને લઈને વિવાદ વચ્ચે આવે છે, જે સાંસદો નવનીત રાણા અને રવિ રાણાની ધરપકડ પછી વધી હતી. રાણા દંપતીને 12 દિવસ બાદ મુક્ત કરવામાં આવ્યા છે. ભાજપે તેના ભૂતપૂર્વ સાથી પર હુમલો કરવામાં કોઈ કસર છોડી નથી, તેની હિન્દુત્વની ઓળખ પર સવાલ ઉઠાવ્યા છે. ભાજપના નેતા સીટી રવિએ વાસ્તવમાં ઠાકરેની સરખામણી મુગલ બાદશાહ ઔરંગઝેબ સાથે કરી હતી.