2 વર્ષની બાળકીને સાપે ડંખ મારતા ગુસ્સામાં આવેલી બાળકીએ દાંત વડે સાપના ટુકડા કરી નાખ્યા

સપના ટુકડા કારી નાખતા બાળકીનું આખું મોં લોહીથી ભરાઈ ગયું, સાપ ઝેરી હોવાથી તેના શરીરમાં પણ ઝેર ફેલાયું

નવી દિલ્લી તા.15 : બાળકો સાફ મનના હોય છે અને તેઓ સારું કે ખરાબ કઈ  પણ વિચાર્યા વગર કામ કરે છે. જે ખૂબ જ ખતરનાક પણ સાબિત થાય છે. સોશિયલ મીડિયા પર આજકાલ આવી જ એક છોકરીની ખૂબ ચર્ચા થઈ રહી છે. આ છોકરીમાં તેની નિર્દોષતામાં તેણે પોતાનો જીવ જોખમમાં મૂક્યો. ખરેખર, આ છોકરીને સાપ કરડ્યો હતો. આનાથી છોકરી એટલી ગુસ્સે થઈ ગઈ કે તેણે સાપને પકડીને તેના દાંત વડે મારી નાખ્યો હતો.

આ ઘટના તુર્કીના એક ગામમાં બની હતી. 2 વર્ષની બાળકી ઘર બહાર રમી રહી હતી ત્યારે એક મોટો કાળો સાપ ત્યાં આવી ચડ્યો હતો અને તેણે બાળકીના મોં અને હોઠ પર ડંખ માર્યો હતો. આથી બાળકીને એટલો બધો ગુસ્સો ચડ્યો કે તેણે સાપને પકડીને મોંઢામાં નાખી દીધો અને દાંત વડે તેના બે ટૂકડા કરીને ફેંકી દીધા. આવું થતા સાપનું તો તરત મોત થયું હતું પરંતુ બાળકીનું આખું મોં લોહીથી ભરાઈ ગયું હતું. સાપ ઝેરી હોવાથી તેના શરીરમાં પણ ઝેર ફેલાયું હતું. જણાવવામાં આવી રહ્યું છે કે આ દરમિયાન બાળકી ચીસો પણ પાડી રહી હતી. અવાજ સાંભળીને પાડોશીઓ ઘટના સ્થળે દોડી આવ્યા હતા. જ્યારે તે ત્યાં પહોંચ્યો, ત્યારે તેણે આ દ્રશ્ય જોયું, ત્યારે તેમના હોશ ઉડી ગયા.

પાડોશીઓએ જોયું કે બાળકીના ચહેરા અને હોઠ પર સાપે ડંખ માર્યો હતો આ જોઈને પડોશીઓએ બાળકીને સાપથી અલગ કરી દીધી. પરિવારજનોને બોલાવી તાત્કાલિક હોસ્પિટલ લઇ જવાયા હતા. સદનસીબે સાપના કરડવાથી છોકરીને કોઈ અસર થઈ ન હતી. 24 કલાક સુધી હોસ્પિટલની દેખરેખમાં રાખ્યા બાદ બાળકીની હાલત ખતરાથી બહાર જતી રહી હતી. જણાવવામાં આવી રહ્યું છે કે સાપ પ્રમાણમાં ઓછો ઝેરીલો હતો, નહીં તો બાળકને વધુ નુકસાન થઈ શકતું હતું.

આ ઘટનાની તસવીર પણ વાયરલ થઈ હતી જે પછી યુઝર્સ દ્વારા બાળકની હિંમતને બિરદાવવામાં આવી હતી. જોકે આવું કરવું ખતરનાક સાબિત થઈ શકે છે. બાળકીને તો પરિણામની પણ કંઈ ખબર નહોતી તેણે તો ક્ષણિક ગુસ્સામાં આવીને આવું કર્યું હતું.