ત્રણ શિંગડા અને ત્રણ આંખોવાળા નંદીનું મૃત્યુ
મંદિર પરિસરમાં જ સમાધિ આપવામાં આવી
ભોપાલ, તા.૧૯: એવું માનવામાં આવે છે કે વેદોએ બળદને ધર્મનો અવતાર માન્યો છે. વેદોમાં બળદને ગાય કરતાં વધુ મૂલ્યવાન ગણવામાં આવે છે. બીજી બાજુ, જ્યારે નંદી બળદની વાત આવે છે, ત્યારે તે ભગવાન શિવના મુખ્ય ગણોમાંથી એક છે. આ કેસ મધ્યપ્રદેશના છત્તરપુર જિલ્લાના બુંદેલખંડમાં કેદારનાથ ધામ તરીકે પ્રખ્યાત જટાશંકર ધામનો છે. અહીં એક નંદી (બળદ)નું મળત્યુ થયું હતું, જેને પાછળથી હિંદુ વિધિઓ અનુસાર અગ્નિસંસ્કાર આપવામાં આવ્યો હતો અને તેને સમાધિ આપવામાં આવી હતી. ત્રણ શિંગડા અને ત્રણ આંખ ધરાવતા નંદીનું બિમારીના કારણે અવસાન થયું હતું. મંદિર સમિતિના સભ્યોએ નંદી બળદના અંતિમ સંસ્કાર કરવા અને બ્રાહ્મણોની હાજરીમાં મંત્રોના પાઠ કરવાનું નક્કી કર્યું હતું, જ્યાં છેલ્લા ૧૫ વર્ષથી નંદી બેસતો હતો. નંદીનું એ જ સ્થળે મળત્યુ થયું.
આ કારણોસર મંદિર સમિતિએ જ્યાં તેઓ હંમેશા બેસતા હતા તે જ જગ્યાએ ખાડો ખોદીને સમાધિ બનાવી હતી. તમને જણાવી દઈએ કે આ નંદી બળદ ૧૫ વર્ષ પહેલા જટાશંકર પાસે ફરતો ફરતો આવ્યો હતો. ત્રણ આંખો અને ત્રણ શિંગડાના કારણે આ બળદ જટાશંકર ધામમાં આકર્ષણનું કેન્દ્ર બન્યો હતો. જ્યારથી આ બળદ અહીં આવ્યો છે. ત્યારથી લોકોએ તેમનું નામ નંદી રાખ્યું હતું, જે પણ ભક્તો જટાશંકર ધામમાં આવતા હતા. તે થોડો સમય નંદીની પાસે રહેતો અને તેની પાસે ઈચ્છા પૂછતો.
નંદીના મળત્યુ બાદ મહિલાઓએ નંદીના મળતદેહ પાસે બેસીને ભજન કીર્તન કર્યું હતું. મંદિર ટ્રસ્ટના પ્રમુખ અરવિંદ અગ્રવાલ જણાવે છે કે, જે જગ્યાએ નંદીને સમાધિ આપવામાં આવી છે, સમિતિ તે જગ્યાને સ્મળતિ સ્થળ તરીકે વિકસાવશે. તમને જણાવી દઈએ કે જટાશંકર ધામ બુંદેલખંડ ક્ષેત્રના બિજાવર તહસીલથી લગભગ ૧૫ કિમી દૂર છે.
ચારે બાજુ સુંદર પર્વતોથી ઘેરાયેલું શિવ મંદિર છે. આ ખૂબ જ પ્રાચીન મંદિરમાં બિરાજમાન ભગવાન શિવને હંમેશા ગાયના મુખમાંથી પડતા પાણીથી અભિષેક કરવામાં આવે છે. આ મંદિર ધાર્મિક આસ્થાનું મોટું કેન્દ્ર છે. આ મંદિર પર ત્રણ નાની પાણીની કુંડીઓ છે, જેનું પાણી કયારેય સમાપ્ત થતું નથી. સૌથી મહત્વની બાબત એ છે કે આ કુંડોના પાણીનું તાપમાન હંમેશા હવામાનની વિરુદ્ધ હોય છે.