MMS કૌભાંડ બાદ IIT બોમ્બેનો મોટો નિર્ણય ; કેન્ટીનમાં હવેથી માત્ર મહિલા સ્ટાફ જ રહેશે
એક કેન્ટીન કર્મચારીની ગર્લ્સ હોસ્ટેલના બાથરૂમનો વીડિયો રેકોર્ડ કરવા બદલ ધરપકડ
મુંબઈ :ઇન્ડિયન ઇન્સ્ટિટ્યૂટ ઑફ ટેક્નોલોજી, બોમ્બેના એક કેન્ટીન કર્મચારીની ગર્લ્સ હોસ્ટેલના બાથરૂમનો વીડિયો રેકોર્ડ કરવા બદલ ધરપકડ કરાઈ છે, ફ્રી પ્રેસ જર્નલના રિપોર્ટમાં આ સમગ્ર MMS ઘટના વિશે માહિતી અપાઈ છે, પછી IIT બોમ્બેએ તેની સુરક્ષા પ્રક્રિયામાં ઘણા ફેરફારો કરવાનો નિર્ણય લીધો છે. વિદ્યાર્થીઓએ દાવો કર્યો છે કે તેમને સુરક્ષામાં ફેરફાર અંગેના ઈમેલ મળ્યા છે જે IIT અધિકારીઓ કરવા માંગે છે. ઉપરાંત, વિદ્યાર્થીઓએ આ સુરક્ષા ફેરફારો અંગે તેમનો પ્રતિસાદ માંગ્યો છે.
વિદ્યાર્થીઓએ એવો પણ દાવો કર્યો હતો કે, સંસ્થાના સત્તાવાળાઓએ તપાસ બાદ હોસ્ટેલમાં પ્રવેશના તમામ સંભવિત મુદ્દાઓ શોધી કાઢ્યા છે. જ્યાં સુધી કાયમી સમારકામ ન થાય ત્યાં સુધી હવે તે એન્ટ્રી પોઈન્ટ સીલ કરવામાં આવશે. વિદ્યાર્થીઓએ દાવો કર્યો હતો કે કેમ્પસ મેસ અને હોસ્ટેલમાં પુરૂષ કર્મચારીઓની સંખ્યા પણ ઘટાડી દેવામાં આવશે અને જ્યાં સુધી માત્ર મહિલા કર્મચારીઓને રાખવામાં નહીં આવે ત્યાં સુધી નાઇટ કેન્ટીન બંધ રહેશે. સંસ્થાના પ્રવક્તાએ અગાઉ કહ્યું હતું કે, કેન્ટીન ફરી એકવાર કામ કરવાનું શરૂ કરશે કારણ કે તેમાં ફક્ત મહિલા સ્ટાફ છે. જ્યારે સલામતી સુનિશ્ચિત કરવા માટે તાત્કાલિક પગલાં લેવામાં આવ્યા છે. અન્ય ગર્લ્સ હોસ્ટેલનું સિક્યુરિટી ઓડિટ પણ કરવામાં આવશે.
રવિવારે IIT બોમ્બે મહિલા છાત્રાલયના બાથરૂમની બહાર એક મહિલા વિદ્યાર્થીએ એક મોબાઈલ ફોન જોયો અને તરત જ અધિકારીઓને જાણ કરી. આ પછી, પવઇ પોલીસ સ્ટેશનને જાણ કરવામાં આવી હતી અને ઘટનાની જાણ થતાં જ પોલીસની ટીમ તાત્કાલિક ઘટનાસ્થળે પહોંચી હતી. તે જ સમયે, પોલીસે ઓછામાં ઓછા પાંચ કેન્ટીન કર્મચારીઓની પૂછપરછ કરી અને પછી પ્રાથમિક તપાસ પછી, પોલીસે 22 વર્ષીય કેન્ટીન કર્મચારીને મુખ્ય શંકાસ્પદ તરીકે ઓળખ્યો અને પછી તેની ધરપકડ કરી