આસામમાં જનસભાને સંબોધતા કેન્દ્રીય ગૃહમંત્રીએ કહ્યું હવે ફાઇલન જીત બાકી છે.

નવી દિલ્હી:કેન્દ્રીય ગૃહમંત્રી અમિત શાહ એ રવિવારના રોજ અસમને કોકરાઝારમાં જનસભાને સંબોધિત કરી અને કહ્યું કે અમે પૂર્વોત્તરના વિકાસનું વિઝન પૂરું કરીશું. આપને જણાવી દઇએ કે આ વર્ષે અસમમાં વિધાનસભા ચૂંટણી યોજાવાની છે અને તેના લીધે અમિત શાહની આ મુલકાત અગત્યની મનાય છે.

કોકરાઝારમાં બોડોલેન્ડ ટેરિટોરિયલ કાઉન્સિલની બેઠકમાં સામેલ થયા બાદ જનસભાને સંબોધિત કરતાં કહ્યું કે અમિત શાહ એ કહ્યું કે આજે આ ઐતિહાસિક રેલીમાં આખા દેશને કહેવા માંગું છું કે મારા રાજકીય જીવનમાં મેં ખૂબ રેલીઓ જોઇ પરંતુ આજ આ રેલીને સંબોધિત કરતાં મારા મનને અપાર શાંતિનો અનુભવ થઇ રહ્યો છે.

અમિત શાહ એ કહ્યું કે ભાજપે અસમમાં સેમીફાઇનલ જીત્યુ છે અને હવે ફાઇનલ જીતવું છે. આપને જણાવી દઇએ કે તાજેતરમાં જ અસમમાં બોડોલેન્ડ ટેરિટોરિયલ કાઉન્સિલ ચૂંટણીમાં થયો હતો, જેમાં ભાજપે જીત નોંધાવી હતી અને અમિત શાહે આ ચૂંટણીને સેમિફાઇનલ ગણાવી અને વિધાનસભા ચૂંટણીને તેમણે ફાઇનલ મેચ કહી.