દિલ્હીવેરી શેર NSE પર ૧.૬૮%ના પ્રીમિયમ સાથે રૂ.૪૯૫.૨૦ પર લિસ્ટેડ
કંપનીનો ઈશ્યુ ૧૧ મેના રોજ ખુલ્યો હતો અને ૧૩ મેના રોજ બંધ થયો હતો. તે ૧.૬૩ વખત સબ્સ્ક્રાઇબ થયું હતું
મુંબઇ, તા.૨૪: લોજિસ્ટિક્સ સેક્ટરની કંપની દિલ્હીવેરીના શેરનું લિસ્ટિંગ આજે ૨૪ મેના રોજ પ્રીમિયમ પર કરવામાં આવ્યું છે. કંપનીના શેર ૧.૨૩%ના પ્રીમિયમ સાથે ગ્લ્ચ્ પર રૂ. ૪૯૩ પર લિસ્ટ થયા છે. તે જ સમયે, તેના શેર NSE પર ૧.૬૮% ના પ્રીમિયમ પર એટલે કે રૂ. ૪૯૫.૨૦ પર ઇશ્યૂ કિંમતથી ૮.૨૦ રૂપિયા ઉપર લિસ્ટ કરવામાં આવ્યા છે.
કંપનીનો ઈશ્યુ ૧૧ મેના રોજ ખુલ્યો હતો અને ૧૩ મેના રોજ બંધ થયો હતો. દિલ્હીવેરીનો IPO ૧.૬૩ ગણો સબસ્ક્રાઇબ થયો હતો. કંપનીના ૬,૨૫,૪૧,૦૨૩ શેરો સામે ૧૦,૧૭,૦૪,૦૮૦ બિડ કરવામાં આવી હતી. રિટેલ રોકાણકારો માટે અનામત શેર ૫૭% સબસ્ક્રાઇબ થયો હતો. બીજી તરફ, લાયક સંસ્થાકીય ખરીદદારોનો હિસ્સો ૨.૬૬ ગણો બુક થયો છે. તે જ સમયે, બિન-સંસ્થાકીય ખરીદદારોના ભાગ પર ૩૦% બિડિંગ કરવામાં આવી હતી.નિષ્ણાંતોનું કહેવું છે કે ઘણા લોકોએ દિલ્હીવેરીના વેલ્યુએશન પર સવાલ ઉઠાવ્યા હતા અને તેને મોંઘી ગણાવી હતી. કદાચ આ જ કારણ હતું કે રોકાણકારોએ પણ આ IPOથી અંતર જાળવી રાખ્યું હતું. આ સિવાય નવા યુગની કંપનીઓના ઘણા IPOએ તાજેતરના ભૂતકાળમાં સારો દેખાવ કર્યો નથી. આ કારણે રોકાણકારો પણ થોડા સાવધાન દેખાયા.
દિલ્હીવેરીએ IPOના પ્રાઇસ બેન્ડ રૂ. ૪૬૨-૪૮૭ પ્રતિ શેર નક્કી કરી છે. કંપનીને ઈશ્યુ પ્રાઇસના ઉપલા સ્તરથી રૂ. ૩૫,૨૮૩ કરોડનું મૂલ્યાંકન મળી રહ્યું છે. ૧૯ મેના રોજ રોકાણકારોને શેર ફાળવવામાં આવ્યા હતા. શેર ૨૩મી મેના રોજ ડીમેટ ખાતામાં જમા થયા છે.