લગ્નના ૧૦ વર્ષ પછી થઈ ‘શંકા': પત્નિની હત્યા કરીને લાશના ટુકડા કર્યા
UPમાં શ્રધ્ધા જેવો કિસ્સો
સીતાપુર, યુપી, તા.૨૪: રાષ્ટ્રીય રાજધાનીમાં શ્રદ્ધા વોકરની જઘન્ય હત્યા બાદ, ઉત્તર પ્રદેશના સીતાપુરમાં આવો જ બીજો કિસ્સો સામે આવ્યો છે, જ્યાં એક મહિલાની લાશને કાપીને દૂરના સ્થળે ફેંકી દેવામાં આવી હતી.
સીતાપુર પોલીસના જણાવ્યા અનુસાર, તેઓએ ૮ નવેમ્બરે ઉત્તર પ્રદેશના સીતાપુર જિલ્લાના રામપુર કલાન પોલીસ સ્ટેશન વિસ્તાર હેઠળના ગુલરિહામાંથી જ્યોતિ ઉર્ફે તોહા તરીકે ઓળખાયેલી પીડિતાનો મળતદેહ કબજે કર્યો હતો. આ કેસના બે મુખ્ય આરોપીઓની ઓળખ પંકજ મૌર્ય અને દુર્જન પાસી તરીકે થઈ છે, જેમની ધરપકડ કરવામાં આવી છે.
પોલીસના નિવેદન મુજબ સીતાપુર પોલીસ સ્ટેશનના રામપુર કલાન વિસ્તારના ગુલરિહામાંથી મહિલાની લાશ મળી આવી છે. આ મહિલા એક આરોપી પંકજ મૌર્યની પત્ની છે. સીતાપુર પોલીસે તેના નિવેદનમાં ખુલાસો કર્યો, આરોપી પંકજ મૌર્યએ પોલીસ સમક્ષ કબૂલાત કરી છે કે તેણે તેના એક સાથી સાથે મળીને તેની પત્નીની હત્યા કરી હતી. આરોપીએ પોલીસને આપેલા નિવેદનમાં જણાવ્યું કે મહિલા જ્યોતિ ઉર્ફે તોહા નિયમિત રીતે ડ્રગ્સ લેતી હતી. આરોપી પંકજે કહ્યું, તે ઘણા દિવસો સુધી કોઈના ઘરે રહેતી હતી, જેના કારણે તેમના સંબંધોમાં ખટાશ આવી ગઈ હતી.ૅ
તેના નિવેદનમાં, સીતાપુર પોલીસે જણાવ્યું હતું કે આરોપી, પંકજ મૌર્ય તરીકે ઓળખાય છે, તેણે જ્યોતિને ખતમ કરવાનો નિર્ણય કર્યો, જેની સાથે તેણે દસ વર્ષથી લગ્ન કર્યા હતા, કારણ કે તેને શંકા હતી કે તેણી તેની સાથે છેતરપિંડી કરી રહી છે.
સીતાપુર પોલીસે પોતાના નિવેદનમાં કહ્યું કે, પંકજના મિત્રની પણ ગુનામાં મદદ કરવા બદલ ધરપકડ કરવામાં આવી છે.ૅ પોલીસ નિવેદનમાં કહેવામાં આવ્યું છે કે ઉત્તર પ્રદેશ પોલીસ સ્પેશિયલ વેપન્સ એન્ડ ટેક્ટિક્સ (SWAT) અને રામપુર પોલીસના સંયુક્ત પ્રયાસોથી સફળ દેખરેખ બાદ આરોપીઓની ધરપકડ કરવામાં આવી છે.