ભાજપના સાંસદ બાબા રામદેવ પર ભડક્યા :પતંજલિ પર ઉઠાવ્યા સવાલ : નહિ માને તો આંદોલન કરવાની ચીમકી
તેમણે કહ્યું કે ‘રામદેવે યોગના પિતા ગણાતા મહર્ષિ પતંજલિના નામ પર પોતાનો બિઝનેસ અમ્પાયર બનાવ્યો:તેઓ બ્રાન્ડમાં પતંજલિના નામનો ઉપયોગ બંધ કરે
નવી દિલ્હી :ભાજપના નેતા બ્રિજભૂષણ શરણ સિંહે યોગ ગુરુ રામદેવ પર મહર્ષિ પતંજલિના નામનો દુરુપયોગ કરવાનો આરોપ લગાવ્યો છે.
તેમણે કહ્યું કે ‘રામદેવે યોગના પિતા ગણાતા મહર્ષિ પતંજલિના નામ પર પોતાનો બિઝનેસ અમ્પાયર બનાવ્યો છે.’
ન્યૂઝ એજન્સી પીટીઆઈ અનુસાર, બ્રિજ ભૂષણ શહર સિંહે માંગ કરી છે કે તેઓ બ્રાન્ડમાં પતંજલિના નામનો ઉપયોગ બંધ કરે. તેમણે આરોપ લગાવ્યો છે કે બાબા રામદેવે ઉત્તર પ્રદેશના ગોંડા જિલ્લામાં મહર્ષિ પતંજલિના જન્મસ્થળ માટે કંઈ કર્યું નથી.
લખનવથી લગભગ 140 કિલોમીટર દૂર કોંડારમાં મહર્ષિ પતંજલિના જન્મસ્થળ પર મીડિયા સાથે વાત કરતા કૈસરગંજના સાંસદે કહ્યું કે રામદેવે પોતાના નામ સાથે પોતાની બ્રાન્ડ બનાવવી જોઈએ.
બ્રિજ ભૂષણ શરણ અવારનવાર પોતાના નિવેદનોને કારણે ચર્ચામાં રહે છે. તેઓએ ચેતવણી આપી છે કે તેઓ તેની સામે મોટું આંદોલન કરશે અને જો નામ બદલવામાં નહીં આવે તો કાયદેસરની કાર્યવાહી પણ કરવામાં આવશે.
તેમણે કહ્યું, “મને તેના ધંધા સામે કોઈ વાંધો નથી, પણ શું તેના નામે ઘી, તેલ, સાબુ, મસાલા, અન્ડરવેર, પેન્ટનો ધંધો કરવો ઠીક છે? તેને આ અધિકાર કોણે આપ્યો છે?”
બ્રિજભૂષણ સિંહના આ આરોપ પર પતંજલિ તરફથી કોઈ પ્રતિક્રિયા આપવામાં આવી નથી.