પ્રજાસત્તાક દિવસે સુપ્રીમ કોર્ટની ભારતને ભેટ:1,091 ચુકાદાઓ પ્રાદેશિક ભાષાઓમાં જાહેર કરવામાં આવશે: દેશના ચીફ જસ્ટિસ ડી.વાય.ચંદ્રચુડે આપી માહિતી

ન્યુદિલ્હી : ભારતના મુખ્ય ન્યાયાધીશ (CJI) ડીવાય ચંદ્રચુડે બુધવારે જણાવ્યું હતું કે પ્રાદેશિક ભાષાઓમાં સુપ્રીમ કોર્ટના ચુકાદાઓ જાહેર કરવાની પ્રક્રિયા શરૂ થઈ ગઈ છે અને તે તરફના પ્રથમ પગલા તરીકે, ઉડિયા, ગારો અને અન્ય પ્રાદેશિક ભાષાઓમાં સર્વોચ્ચ અદાલતના 1,091 ચુકાદાઓ ગણતંત્ર દિવસે જાહેર કરવામાં આવશે

CJI ચંદ્રચુડે કહ્યું કે આ નિર્ણય સ્થાનિક ભાષામાં ચુકાદાઓને સુલભ બનાવવાના તેમના મિશનને આગળ વધારવા માટે લેવામાં આવ્યો છે.

CJI ચંદ્રચુડે આજે સવારે ખુલ્લી અદાલતમાં બારને આ અંગે માહિતી આપી હતી.
મારી પાસે E-SCR અને ઉપલબ્ધ 34,000 ચુકાદાઓ સિવાય કેટલાક સમાચાર છે, હવે અમારી પાસે સ્થાનિક ભાષામાં સુપ્રીમ કોર્ટના સંખ્યાબંધ ચુકાદાઓ પણ છે. તે પ્રજાસત્તાક દિવસના અવસરે રજૂ કરવામાં આવશે, ”તેમણે કહ્યું.
 

CJIએ ઉમેર્યું હતું કે કુલ 1,091 ચુકાદા સ્થાનિક ભાષાઓમાં ઉપલબ્ધ હશે.તેવું બી.એન્ડ બી.દ્વારા જાણવા મળે છે.