ગુજરાત ચૂંટણી: કેન્દ્રીય ગૃહમંત્રી અમિત શાહનો સપાટો : 2002માં 'પાઠ ભણાવ્યા' બાદ હવે ગુજરાતમાં કાયમી શાંતિ છે

ખેડા :કેન્દ્રીય ગૃહ પ્રધાન અમિત શાહે શુક્રવારે કહ્યું હતું કે અગાઉ ગુજરાતમાં અસામાજિક તત્વો હિંસા આચરતા હતા અને કોંગ્રેસ તેમને ટેકો આપતી હતી, પરંતુ 2002માં "પાઠ શીખવવામાં" આવ્યા બાદ ગુનેગારોએ આવી પ્રવૃત્તિઓ બંધ કરી દીધી અને ભારતીય જનતા પાર્ટી (BJP) રાજ્યમાં "કાયમી શાંતિ" લાવી. ગુજરાતમાં ફેબ્રુઆરી 2002માં ગોધરા રેલ્વે સ્ટેશન પર ટ્રેનને આગ ચાંપવામાં આવ્યા બાદ રાજ્યના કેટલાક ભાગોમાં મોટા પાયે હિંસા જોવા મળી હતી.

રાજ્યમાં આગામી મહિને યોજાનારી વિધાનસભાની ચૂંટણી પહેલા શાહે ખેડા જિલ્લાના મહુધા ખાતે ભાજપના ઉમેદવારોની તરફેણમાં રેલી યોજી હતી. તેમણે આરોપ લગાવ્યો કે, “ગુજરાતમાં કોંગ્રેસના શાસન દરમિયાન (1995 પહેલા) અવારનવાર કોમી રમખાણો થતા હતા. કોંગ્રેસ વિવિધ સમુદાયો અને જાતિના સભ્યોને એકબીજા વિરુદ્ધ ઉશ્કેરતી હતી. કોંગ્રેસે આવા તોફાનો દ્વારા પોતાની વોટબેંક મજબૂત કરી અને સમાજના એક મોટા વર્ગને અન્યાય કર્યો.

શાહે દાવો કર્યો હતો કે ગુજરાતમાં 2002ના રમખાણો એટલા માટે થયા હતા કારણ કે લાંબા સમયથી કોંગ્રેસના સમર્થનને કારણે ગુનેગારોને હિંસા કરવાની આદત પડી ગઈ હતી. ભાજપના વરિષ્ઠ નેતાએ કહ્યું, “પરંતુ 2002માં પાઠ ભણાવવામાં આવ્યા બાદ આવા તત્વોએ તે રસ્તો (હિંસાનો) છોડી દીધો હતો. તેઓ 2002 થી 2022 સુધી હિંસાથી દૂર રહ્યા.તેવું પી.કે.દ્વારા જાણવા મળે છે.