Gujarati News

Gujarati News

News of Monday, 1st March 2021

છેલ્લા સાત દિવસથી ગુમ થયેલો ઇન્ડિયન અમેરિકન યુવાન મૃતક હાલતમાં મળી આવ્યો : પલ્ટી ખાઈ જવાથી 100 ફૂટ ઊંડી ખીણમાં ગબડી પડેલી કારમાંથી મૃતદેહ મળી આવ્યો

કેલિફોર્નિયા : છેલ્લા સાત દિવસથી એટલે કે 21 ફેબ્રુઆરીના રોજ ગુમ થયેલો ઇન્ડિયન અમેરિકન યુવાન અથર્વ ચિંચવાડકર 27 ફેબ્રુઆરીના રોજ મૃતક હાલતમાં મળી આવ્યો છે.

કાર લઈને 21 ફેબ્રુઆરીના રોજ સાંજે નીકળેલો આ યુવાન રાત્રે ઘેર પરત નહીં આવતા તેના માતા પિતાએ તપાસ શરૂ કરાવી હતી.તથા પોલીસ ફરિયાદ પણ નોંધાવી હતી.પરંતુ તેનો પત્તો લાગ્યો નહોતો .

આખરે પલ્ટી ખાઈ જવાથી 100 ફૂટ ઊંડી ખીણમાં ગબડી પડેલી કારમાંથી તેનો મૃતદેહ 27  ફેબ્રુઆરીના રોજ મળી આવ્યો હતો.

આ યુવાન કેલિફોર્નિયા યુનિવર્સીટીમાં અભ્યાસ કરતો હતો.અને કોવિદ -19 સંજોગોને કારણે ઘેરે બેઠા તેનો અભ્યાસ ચાલુ હતો.પરંતુ 21 ફેબ્રુઆરીના રોજ બહાર નીકળેલા આ યુવાનની સફર અંતિમ સફર બની ગઈ હતી.તેવું ઈ.વે.દ્વારા જાણવા મળે છે.

(6:59 pm IST)