Gujarati News

Gujarati News

News of Tuesday, 19th January 2021

આવતીકાલ 20 જાન્યુઆરીના રોજ અમેરિકાના 46 મા પ્રેસિડન્ટ જો બિડનનો શપથવિધિ : બપોરે 12 વાગ્યે યોજાનારો શપથવિધિ પ્રોગ્રામ ભારતીય સમય મુજબ રાત્રે 10-30 કલાકે પ્રસારિત થશે : અમેરિકાના ટેલિવિઝન તથા સોશિઅલ મીડિયા ABC, NBC, CBS, Fox, CNN, PBS, Telemundo, Univision અને MSNBC ઉપર લાઈવ પ્રસારણ : વ્હાઇટ હાઉસની અધિકૃત વેબસાઈટ તથા બિડન ઇનોગ્રેશન કમિટી દ્વારા યુટ્યુબ ઉપર જોઈ શકાશે

વોશિંગટન : આવતીકાલ 20 જાન્યુઆરી બુધવારના રોજ અમેરિકાના 46 મા  પ્રેસિડન્ટ જો બિડનનો શપથવિધિ યોજાશે.જેનો સમય બપોરે 12 વાગ્યાનો છે.જે ભારતીય સમય મુજબ રાત્રે 10-30 કલાકે પ્રસારિત થશે .
કાર્યક્રમનું લાઈવ પ્રસારણ  અમેરિકાના ટેલિવિઝન તથા સોશિઅલ  મીડિયા ABC, NBC, CBS, Fox, CNN, PBS, Telemundo, Univision અને MSNBC ઉપર થશે.ઉપરાંત  વ્હાઇટ હાઉસની અધિકૃત વેબસાઈટ તથા બિડન ઇનોગ્રેશન કમિટી દ્વારા યુટ્યુબ ઉપર જોઈ શકાશે .

સાથોસાથ અમેરિકાના વાઇસ પ્રેસિડન્ટ તરીકે ચૂંટાઈ આવેલા ઇન્ડિયન અમેરિકન મહિલા સુશ્રી કમલા હેરિસનો શપથવિધિ પણ આવતીકાલ યોજાનાર છે.

ત્યાર પહેલા આજ 19 જાન્યુઆરીના રોજ પ્રેસિડન્ટ ઇનોગ્રેશન કમિટીના ઉપક્રમે વિવિધ કાર્યક્રમોનું આયોજન કરાયું છે.

ઉલ્લેખનીય છે કે પરાજિત પ્રેસિડન્ટ ડોનાલ્ડ ટ્રમ્પના સમર્થકો દ્વારા 6 જાન્યુઆરીના રોજ કેપિટલ હિલ ઉપર હિચકારો હુમલો થયો હતો.તેથી આવતીકાલે યોજાનારા શપથવિધિ પ્રસંગે કેપિટલ હીલને કિલ્લેબંધીમાં ફેરવી દેવાયું છે.તથા અનેક સૈનિકોની ફોજ તહેનાત કરી દેવાઈ છે.જોકે આ વખતે કોરોના સંક્રમણને કારણે લિમિટેડ લોકોને જ આમંત્રિત કરાયા છે.

(6:21 pm IST)
  • રામ મંદિર નિર્માણ માટે વિજયભાઈએ ૫ લાખ અને રામભાઈ મોકરિયાએ ૧૧ લાખ જાહેર કર્યા: મુખ્યમંત્રી વિજયભાઈ રૂપાણીએ આજે રાજકોટ ખાતે શ્રેષ્ઠઈઓની બેઠકમાં અયોધ્યામાં રામ મંદિર નિર્માણ માટે પાંચ લાખ રૂપિયાના દાનની જાહેરાત કરી છે, જ્યારે મારુતિ કુરિયર પ્રાઇવેટ લિમિટેડના શ્રી રામભાઈ મોકરિયાએ રામ મંદિર નિર્માણ માટે ૧૧ લાખ રૂપિયાની જાહેરાત કરી હતી. access_time 12:19 am IST

  • દેશમાં કોરોના થાક્યો:નવા કેસ કરતા સ્વસ્થ થનારની સંખ્યામાં વધારો : એક્ટિવ કેસના આંકમાં સતત ઘટાડો : રાત્રે 11-30 વાગ્યા સુધીમાં કોરોનાના નવા 14,246 કેસ નોંધાયા :કુલ કેસની સંખ્યા 1,06,40,669 થઇ :એક્ટિવ કેસ 1,82,891 થયા: વધુ 17,034 દર્દીઓ સ્વસ્થ થતા કુલ 1,02,99,931 થયા :વધુ 151 લોકોના મોત સાથે કુલ મૃત્યુઆંક 1,53,218 થયા access_time 1:07 am IST

  • રાજકોટ-68નાં કોંગ્રેસનાં પુર્વ ધારાસભ્ય ઈન્દ્રનીલ રાજ્યગુરુ, રાજકોટ મહાનગરપાલિકાનાં પુર્વ વિપક્ષી નેતા વશરામ સાગઠીયા સહિતનાં આગેવાનોની આજે મોડી રાત્રે અકિલા ચોકમાં અનશન ઉપર બેસતા ત્રીજી વખત અટકાયત કરતી રાજકોટ પોલીસ... access_time 11:10 pm IST