Gujarati News

Gujarati News

News of Thursday, 12th July 2018

સાથી હાથ બઢાના

મંજુલાબેન રાવલને પગના સાંધાના ઓપરેશન માટે રૂ.૩,૭૫૦૦૦ની જરૂર

રાજકોટ તા. ૧૨ : પતિના અવસાન બાદ અસ્થિર દિમાગી હાલત ધરાવતા ભાઇ ભેગુ વૈધવ્ય જીવન ગુજરાત રાજકોટના બ્રાહ્મણ મંજુલાબેન મણીશંકર રાવલ (ઉ.વ.૫૩) ને છેલ્લા દસેક વર્ષથી પગના દુઃખાવાની સમસ્યા છે. હવે પીડા અસહ્ય બનતા વોકહાર્ટ હોસ્પિટલમાં ડો. રૂપેશ મહેતા પાસે સારવાર શરૂ કરાવી છે. ઢાંકણી ઘસાઇ ગઇ હોય બન્ને પગમાં નવી પ્લેટ બેસાડવાનું ઓપરેશન કરવુ પડે તેમ છે. આ માટે રૂ.૩,૭૫,૦૦૦ (પોણા ચાર લાખ) નો ખર્ચ થાય તેમ હોવાનો અભિપ્રાય તબીબ દ્વારા અપાયો છે. મંજુલાબેન મા અમૃતમ કાર્ડ ધરાવે છે. પરંતુ આ દર્દની સારવાર તેમા સામેલ થતી ન હોય લાચાર છે. આટલો મોટો ખર્ચ કરી શકવા તેઓ સક્ષમ ન હોય સમાજના સુખી સંપન્ન લોકો અને દાતાઓ પાસે આર્થીક મદદની ઝોળી ફેલાવી છે. તેઓ રાજકોટ નાગરીક સહકારી બેન્ક, સોરઠીયાવાડી બ્રાંચમાં મંજુલાબેન મણીશંકર રાવલ નામથી ખાતુ ધરાવે છે. તેમના ખાતા નં.૦૧૭૦૦૩૧ ૦૦૦૦૯૫૦૩ છે. વધુ માહીતી માટે તેમના નિવાસ સ્થાન ન્યુ સાગર સોસાયટી શેરી નં.૬ બંધ શેરી, કોઠારીયા રોડ, રાજકોટ ખાતે રૂબરૂ અથવા તેમના મોટાભાઇ ખીમશંકરભાઇ મણીશંકર રાવલ (મો.૯૯૦૯૫ ૧૩૫૭૨) નો સંપર્ક કરી શકાય છે.

(4:07 pm IST)
  • પેટીએમ, ઇન્ફોસિસ અને મેકમાયટ્રિપ કમ્પનીઓએ ઓનલાઇન કોરોના રસીના બુકિંગ પ્રદાન કરવા માટે કેન્દ્ર સરકારની મંજૂરી માંગી છે. (ન્યૂઝફર્સ્ટ) access_time 9:32 am IST

  • ઉત્તર પ્રદેશમાં ઝડપભેર નવા બનાવો આકાર લઇ રહ્યા છે: આનંદીબેનને મળતા આદિત્યનાથ :અત્યારે રાત્રે મળતા અહેવાલો પ્રમાણે ઉત્તર પ્રદેશના મુખ્યમંત્રી યોગી આદિત્યનાથ ઉત્તર પ્રદેશના રાજ્યપાલ શ્રીમતી આનંદીબેન પટેલને મળવા ગયા છે. ઉત્તર પ્રદેશના પ્રધાનમંડળમાં ઝડપભેર મહત્વના ફેરફારો આવી રહ્યાના સ્પષ્ટ નિર્દેશો મળે છે access_time 9:12 pm IST

  • મહારાષ્ટ્રમાં ચોમાસું દસ્તક દઈ ચૂક્યું છે અને માયનાગરી મુંબઈમાં ભારે વરસાદ ચાલુ છે. શુક્રવારે પણ સવારથી જ ભારે વરસાદ પડી રહ્યો છે જેના કારણે ઘણા વિસ્તારો પાણીમાં ગરકાવ થયા છે. લોકોને સલામત સ્થળોએ ખસેડવામાં આવ્યા છે. હવામાન વિભાગની આગાહી મુજબ શુક્રવારે દિવસભર ભારે વરસાદ પડી શકે છે. રેડ એલર્ટ જારી કરવામાં આવી છે. આ પહેલા ગુરુવારે મુંબઈના પરા મલાડ (પશ્ચિમ) માં ચાર માળની ઇમારત ધરાશાયી થતાં 12 લોકોનાં મોત અને સાત ઘાયલ થયા હતા. મૃતકોમાં આઠ બાળકોનો સમાવેશ થાય છે. બીજી ઘટનામાં, ગુરૂવારે સાંજે દહિસર વિસ્તારમાં મકાન ધરાશાયી થતાં એક વ્યક્તિનું મોત નીપજ્યું હતું. access_time 9:31 am IST