Gujarati News

Gujarati News

News of Thursday, 29th October 2020

જામનગરમાં ફ્રૂટની લારી ચલાવતા સામાન્ય પરિવારનો ૧ર વર્ષનો પુત્ર આઇસીયુમાં : કિડનીની ગંભીર માંદગી

(મુકુંદ બદિયાણી દ્વારા) જામનગર, તા. ર૯ : જામનગરના આર્થિક નબળા પરિવાર ઉપર સંકટ આવી પડ્યું છે ૧ર વર્ષના બાળકની તબીયત લથડતા હાલમાં જીવન-મરણ વચ્ચે ઝોલા ખાઇ રહ્યો છે ત્યારે આ પરિવારને મદદ કરવા હાકલ કરાઇ છે. અકિલા પરિવારે પણ પ્રાથમિક મદદ મોકલી છે. 

જામનગરના વામ્બે આવાસમાં રહેતા ફ્રૂટની લારી ચલાવીને ગુજરાન ચલાવતા આર્થિક નબળા પરિવારના ૧૨ વર્ષીય રિશી અશોકભાઈ ગણાત્રાને કિડનીમાં પાણી ભરાવાથી ખુબજ ગંભીર હાલતમાં જી.જી.હોસ્પિટલમાં આઈ.સી.યુ. માં સારવાર હેઠળ છે.

તેઓના પરિવારની સ્થિતિ ખૂબજ નબળી હોવાથી આર્થિક મદદ કરવા ગુહાર કરાઈ છે. એક જ કીડીની હોય અને ત્યાં પણ પાણી ભરાયા છે. જેને લઈને રિશી હાલ કોમામાં છે. અને અત્યંત નાજુક પરિસ્થિતિમાં છે.

ત્યારે માનવતા ખાતર આ પરીવારને રિશીના પિતા અશોકકુમાર અમૃતલાલ ગણાત્રાના સૌરાષ્ટ્ર ગ્રામીણ બેંકના હરિયા સ્કૂલ બાંચમાં એકાઉન્ટ નંબર. ૭૮૦૨૮૬૨૦૩૯-૯ અને તેના આઈ.એફ.સી.કોડ SBINOR RSRGB અને માઈકર કોડ ૩૬૧૬૬૨૦૦૪ છે. આ એકાઉન્ટમાં આર્થિક મદદ કરવા ટહેલ છે. રિશીના પિતા અશોકભાઈનો મોબાઈલ નંબર.૯૪૦૮૦૫૪૯૯૬ અથવા તો ૯૦૩૩૦૭૦૮૦૦ પર પણ વધુ વિગતો માટે સંપર્ક કરી શકો છો.

(12:37 pm IST)
  • મહારાષ્ટ્રમાં ચોમાસું દસ્તક દઈ ચૂક્યું છે અને માયનાગરી મુંબઈમાં ભારે વરસાદ ચાલુ છે. શુક્રવારે પણ સવારથી જ ભારે વરસાદ પડી રહ્યો છે જેના કારણે ઘણા વિસ્તારો પાણીમાં ગરકાવ થયા છે. લોકોને સલામત સ્થળોએ ખસેડવામાં આવ્યા છે. હવામાન વિભાગની આગાહી મુજબ શુક્રવારે દિવસભર ભારે વરસાદ પડી શકે છે. રેડ એલર્ટ જારી કરવામાં આવી છે. આ પહેલા ગુરુવારે મુંબઈના પરા મલાડ (પશ્ચિમ) માં ચાર માળની ઇમારત ધરાશાયી થતાં 12 લોકોનાં મોત અને સાત ઘાયલ થયા હતા. મૃતકોમાં આઠ બાળકોનો સમાવેશ થાય છે. બીજી ઘટનામાં, ગુરૂવારે સાંજે દહિસર વિસ્તારમાં મકાન ધરાશાયી થતાં એક વ્યક્તિનું મોત નીપજ્યું હતું. access_time 9:31 am IST

  • સીનીયર ક્લાર્ક માટેની પરીક્ષા ૩૧ જુલાઈએ લેવાશે : ગૌણ સેવા પસંદગી મંડળે સીનીયર ક્લાર્કની પરીક્ષા માટેની તારીખ જાહેર કરી દીધી. હવે ૩૧ જુલાઈએ લેવાશે સીનીયર ક્લાર્ક માટેની પરીક્ષાઓ લેવાશે. અગાઉ ૨૪ જુલાઈનુ આયોજન હતુ પરંતુ હવે તે તારીખ થોડી પાછી લઈ જાય અને ૩૧ જુલાઈ કરવામાં આવી છે. access_time 9:53 pm IST

  • ઉત્તર પ્રદેશમાં ઝડપભેર નવા બનાવો આકાર લઇ રહ્યા છે: આનંદીબેનને મળતા આદિત્યનાથ :અત્યારે રાત્રે મળતા અહેવાલો પ્રમાણે ઉત્તર પ્રદેશના મુખ્યમંત્રી યોગી આદિત્યનાથ ઉત્તર પ્રદેશના રાજ્યપાલ શ્રીમતી આનંદીબેન પટેલને મળવા ગયા છે. ઉત્તર પ્રદેશના પ્રધાનમંડળમાં ઝડપભેર મહત્વના ફેરફારો આવી રહ્યાના સ્પષ્ટ નિર્દેશો મળે છે access_time 9:12 pm IST