Gujarati News

Gujarati News

News of Monday, 1st March 2021

૧૬૬થી વધુ કોરોના વોરીયર્સ પોલીસ અધિકારીઓ અને કર્મચારીઓએ લીધો કોવિડ વેકસીનનો બીજો ડોઝ અપાયો

રાજકોટઃ કોરોના મહામારીમાં પોતાની અને સ્વજનોની પરવા કર્યા વગર કોવિડ-૧૯ની માર્ગદર્શિકાનું શહેરીજનો કડક પાલન કરે અને મહામારી વકરતી અટકે તે માટે શહેર પોલીસે સતત એક વર્ષ સુધી રૂટીન ફરજ ઉપરાંત કોરોનાને લગતી ખાસ અને વધારાની ફરજો પણ બજાવી છે. આ ફરજ દરમિયાન અનેક અધિકારીઓ, કર્મચારીઓઅ પોતે પણ સંક્રમિત થયા હતાં. તો કેટલાકના કોરોનાને કારણે દુઃખદ નિધન પણ થયા હતાં. શહેર પોલીસને અગાઉ કોવિડ વેકસીનનો એક ડોઝ અપાઇ ગયો હતો. જેમાં શહેર પોલીસ કમિશનરશ્રી મનોજ અગ્રવાલ, જોઇન્ટ પોલીસ કમિશનરશ્રી ખુરશીદ અહેમદ, ડીસીપી પ્રવિણકુમાર મીણા, ડીસીપી મનોહરસિંહ જાડેજા, એસીપી ક્રાઇમ ડી. વી. બસીયા, તથા અન્ય તમામ ઝોનના એસીપી, ક્રાઇમ બ્રાંચના પીઆઇ વી. કે. ગઢવી, એસઓજી પીઆઇ આર.વાય. રાવલ તેમજ તમામ પોલીસ મથકના પીઆઇ અને પીએસઆઇ તથા બીજા સ્ટાફે વેકસીન લીધી હતી. આજે આ સ્ટાફે બીજો ડોઝ લીધો છે. પોલીસ હેડકવાર્ટર ખાતે એસીપી શ્રી બારીયા અને પીઆઇ કોટડીયાએ વેકસીનેશન માટેની વ્યવસ્થા ગોઠવી હતી. ૧૬૬થી વધુ પોલીસ કમિશનર કચેરીમાં ફરજ બજાવતાં અધિકારીઓ, કર્મચારીઓએ આજે બીજો ડોઝ લીધો હતો. તસ્વીરમાં જોઇન્ટ પોલીસ કમિશનરશ્રી ખુરશીદ અહેમદ, ડીસીપી પ્રવિણકુમાર મીણા તથા બીજા અધિકારીઓ, કર્મચારીઓ વેકસીન લેતાં જોઇ શકાય છે.

(4:48 pm IST)
  • એસબીઆઇએ હોમ લોન વ્યાજ દરોમાં ઘટાડો કરીને 6.70 ટકા કર્યા છે. access_time 7:31 pm IST

  • ત્રણ રાજ્યોમાં આજથી નવા ચીફ સેક્રેટરી કાર્યરત બન્યા છે. મહારાષ્ટ્રના ચીફ સેક્રેટરી તરીકે સીતારામ કુંતે, બિહારના ચીફ સેક્રેટરી તરીકે અરુણ કુમાર સિંઘ અને કેરાળાના મુખ્ય સચિવ તરીકે ડોક્ટર વી પી જોય એ ચાર્જ સંભાળી લીધો છે. પ્રથમ બે અધિકારીઓ ૧૯૮૫ની બેચના છે જ્યારે ડો. જોય ૧૯૮૭ની બેચના છે. access_time 7:42 pm IST

  • નરેન્દ્ર ભાઈ પછી કેન્દ્રીય ગૃહમંત્રી અમિતભાઈ પણ આજે જ કોરોના વાયરસની રસી મૂકાવી રહ્ના છે. અમિતભાઈ પોતાનાં નિવાસસ્થાને કોરોનાની રસી મુકાવશે. મેદાંતા હોસ્પિટલનાં ડો.સુશીલા વેક્સિનનો પ્રથમ ડોઝ આપશે. અમિતભાઈ શાહને ભારત બાયોટેકની કોવેક્સિનની રસી આપવામાં આવી રહી છે. નરેન્દ્રભાઈઍ પણ આ જ વેકસીન મુકાવી હતી. access_time 11:16 am IST