Gujarati News

Gujarati News

News of Friday, 2nd October 2020

ફાયર સેફટીના કડક નિર્ણયથી યુવા ઇજનેરોને સ્વરોજગારીની તક મળશે

રાજ્ય સરકારના સંવેદાત્મક અભિગમને આવકારતા મેયર સહિતના પદાધિકારીઓ

રાજકોટ તા. ૨ : રાજય સરકાર દ્વારા લોકોના જાન-માલ-મિલકતને આગથી સંરક્ષણ આપવા માટેના ફાયર સેફટીના નિર્ણાયક અભિગમ બદલ મુખ્યમંત્રી વિજયભાઈ રૂપાણીનો મેયર બિનાબેન આચાર્ય, ડેપ્યુટી મેયર અશ્વિનભાઈ મોલીયા, સ્ટેન્ડિંગ કમિટી ચેરમેન ઉદયભાઈ કાનગડ, શાસક પક્ષ નેતા દલસુખભાઈ જાગાણી, દંડક અજયભાઈ પરમારે આભાર વ્યકત કરેલ.

આ અંગે પદાધિકારીઓએ જણાવ્યું હતું કે, ગુજરાત સરકાર દ્વારા લોકોના જાન-માલ-મિલકતને આગથી સંરક્ષણ આપવા માટે નિર્ણાયક અભિગમ એટલે કે, ફાયર સેફટીના કડક અમલનો નિર્ણય કરવામાં આવ્યો છે. જે માટે દરેક મકાન માલિક, કબજેદારો, ફેકટરી ધારકોએ NOC મેળવવાનું રહેશે અને તેને દર ૬ મહિને રિન્યુઅલ કરાવવાનું રહેશે.

આ હેતુસર પ્રાઇવેટ યુવા ઇજનેરોને જરૂરી તાલીમ બાદ ફાયર સેફટી ઓફિસર તરીકે પ્રેકિટસ કરવા અંગે રાજય સરકાર દ્વારા પરવાનગી આપવામાં આવશે. રાજય સરકાર દ્વારા લેવામાં આવેલ આ સર્વજન સુખાકારી માટેનો આ નિર્ણય સિવિલ, મિકેનિકલ, ઇલેકિટ્રકલ, ફાયર, ડિઝાસ્ટર મેનેજમેન્ટ ક્ષેત્ર સહિતના યુવા એન્જિનિયર્સ માટે ખૂબ લાભદાયી થશે અને યુવા એન્જિનિયર્સને સ્વરોજગારીની નવી તકો મળશે. એમ અંતમાં પદાધિકારીઓએ જણાવેલ.

(2:43 pm IST)
  • દેશમાં સૌથી વધુ કોરોનાથી અસરગ્રસ્ત ૫ રાજયો (રીકવરી, મૃત્યુ અને એકટીવ કેસ સાથે) :(૧) મહારાષ્ટ્ર - ૧૪,૦૦,૯૨૨ (૨) આંધ્ર - ૭,૦૦,૨૩૫ (૩) તામિલનાડુ - ૬,૧૧,૮૩૭ (૪) કર્ણાટક - ૬,૦૩,૨૯૦ (૫) ઉત્તરપ્રદેશ - ૪,૦૩,૧૦૧ access_time 11:24 am IST

  • પંજાબમાં રાત્રી કર્ફ્યુ તથા રવિવાર માટે લોકડાઉનમાંથી મુક્તિ : અનલોક 5 અંતર્ગત ચીફ મિનિસ્ટર કેપટન અમરિન્દર સિંઘની ઘોષણાં : માસ્ક પહેરવા સહીત અન્ય સુરક્ષા નિયમોનું ચોક્કસપણે પાલન થાય તે જોવા ડીજીપી ને સૂચના આપી access_time 8:00 pm IST

  • એમેઝોનના ૨૦ હજાર કર્મચારીઓને કોરોના વળગ્યો :એમેઝોનના ૨૦ હજાર કર્મચારીઓને કોરોના પોઝીટીવ આવ્યાનું એમેઝોને જાહેર કર્યુ છે access_time 11:24 am IST