Gujarati News

Gujarati News

News of Tuesday, 4th May 2021

ન્યુ સુભાષનગરમાં એકટીવામાંથી દારૂની બે બોટલ સાથે ગૌતમ અને ભાગ્ય પકડાયા

રાજકોટ,તા. ૪: કોઠારિયા રોડ ન્યુ. સુભાષનગર બગીચા પાસેથી ક્રામઇ બ્રાંચની ટીમે બાતમીના આધારે એકટીવામાંથી દારૂની બે બોટલ સાથે બી.બી.એનો છાત્ર સહિત બંને પકડી લીધા હતા.

મળતી વિગત મુજબ ન્યુ. સુભાષનગર પાસે શખ્સ એકટીવામાં દારૂ સાથે ઉભો હોવાની ક્રાઇમ બ્રાંચના એએસઆઇ રાજદીપસિંહ અને જયેશભાઇને બાતમી મળતા પીઆઇ વી.કે.ગઢવીના માર્ગદર્શન હેઠળ પીએસઆઇ વી.જે.જાડેજા, એએસઆઇ જયેશભાઇ, રાજદીપસિંહ, હેડ કોન્સ. હિતેન્દ્રસિંહ, ભરતસિંહ સહિતે ન્યુ.સુભાષનગર બગીચા પાસેથી જીજે૩કેઆર૬૪૮૨ નંબરના એકટીવા ચાલકને પકડી લઇ તલાશી લેતા એકટીવાની ડેકીમાંથી રૂ.૧,૦૦૦ની કિંમતની બે બોટલ સાથે ગૌતમ રમેશભાઇ હરસોડા (ઉવ.૧૯) (રહે. મવડી જસરાજનગર -૩) અને ભાગ્ય મનોજભાઇ ટોપીયા (ઉવ.૨૧) (રહે. કોઠારિયા રોડ ગોવિંદનગર)ને પકડી લઇ કાર્યવાહી કરી હતી. પકડાયેલો ગૌતમ બી.બી.એ.નો અભ્યાસ કરે છે. અને ભાગ્ય પાની કેબીન ચલાવે છે.

(3:26 pm IST)
  • ચુંટણીઓ પુરી થતાં જ પેટ્રોલ-ડીઝલના ભાવમાં ૨૦ થી ૨૫ પૈસાનો વધારો ઝીંકાયો : દેશના પાંચ રાજયોમાં ચુંટણી પુરી થતાંવેંત જ આજે પેટ્રોલ-ડીઝલના ભાવમાં ફરી એકવાર વધારો ઝીંકાયો છે. પેટ્રોલમાં ૨૦ પૈસા અને ડીઝલનાં ભાવમાં પ્રતિ લિટરે ૨૫ પૈસાનો વધારો થયો છે. access_time 10:38 am IST

  • પુડુચેરીમાં ડખ્ખા શરૂ :૬ સભ્યો જ હોવા છતાં ભાજપ મુ.મંત્રી પદ માગે છે : પ્રથમ દિવસે જ પુડુચેરીમાં ભાજપ અને સ્થાનિક પક્ષો વચ્ચે ડખ્ખો શરૃઃ પુડુચેરીમાં સ્થાનિક પક્ષો સાથે જોડાણ કરી ભાજપ સત્તા પર આવી રહ્યો છે ત્યારે સત્તાની વહેંચણી બાબતે પ્રથમ ગ્રાસે મક્ષિકા જેવું થયું છે. ભાજપે માત્ર ૬ ધારાસભ્યો સાથે મુખ્યમંત્રીપદ માગતા ભાજપના મોરચામાં મતભેદો સર્જાયા છે. (ન્યુઝ ફર્સ્ટ) access_time 3:19 pm IST

  • આજે ફરી રાજકોટ શહેર - જિલ્લામાં કોરોના ધુણ્યો : આજે સાંજ સુધીમાં રાજકોટ શહેરમાં 593 અને ગ્રામ્યના 133 કેસ સાથે કુલ 726 નવા કોરોના ના કેસ નોંધાયા access_time 7:30 pm IST