Gujarati News

Gujarati News

News of Tuesday, 4th May 2021

રેલવે સ્ટેશન પાસેથી સાગર વજેલા ચોરાઉ બાઇક સાથે પકડાયો

પ્રનગર પોલીસે દબોચ્યો : રૈયા રોડ પરથી બાઇક ચોરી કર્યાની કબુલાત

રાજકોટ,તા.૪: રેલવે સ્ટેશન રોડ પરથી ચોરાઉ બાઇક લઇને નિકળેલા શખ્સને પ્રનગર પોલીસે પકડી લીધો હતો.

મળતી વિગત મુજબ રેલવે સ્ટેશન રોડ પર એક શખ્સ ચોરાઉ બાઇક લઇને નીકળ્યો હોવાની પ્રનગર પોલીસ મથકના કોન્સ. અક્ષયભાઇ ડાંગર અને મહાવીરસિંહ જાડેજાને બાતમી મળતા પીઆઇ. એલ.એલ.ચાવડાના માર્ગદર્શન હેઠળ પી.એસ.આઇ કે.ડી.પટેલ, હેડ કોન્સ. દેવશીભાઇ, વિજયરાજસિંહ, યુવરાજસિંહ, પ્રદિપસિંહ, કુલદીપસિંહ, અક્ષયભાઇ, મહાવીરસિંહ તથા અશોકભાઇ સહિતે રેલવે સ્ટેશન રોડ પરથી જીજે૩એચસી૮૬૦૧ નંબરના ચોરાઉ બાઇક સાથે પકડી લીધો હતો. તેની પુછપરછ કરતા તેણે આ બાઇક રૈયા રોડ ભગવતી ડેરી પાસેથી ચોરી કર્યાની કબુલાત આપી હતી.

(4:11 pm IST)
  • મુંબઈમાં ડ્રાઈવ - થ્રુ વેકસીનેશન શરૃઃ સીનીયર સીટીઝનો માટે સુવિધા : દેશભરમાં સંભવતઃ પ્રથમ પ્રયોગ : ઉદ્ધવ સરકારે સીનીયર સીટીઝનો માટે ખાસ સુવિધા શરૂ કરી છે. સીનીયર સીટીઝને પોતાના વાહનમાં જ દાદર (પેસ્ટ) ખાતે ખાસ સુવિધા ઉભી કરી છે ત્યાં જવાનું મોટરની નીચે પણ નહિં ઉતરવાનું બીએમસી દ્વારા વાહનમાં જ કોરોના વેકસીન આપવામાં આવે છે. રોજના ૫૦૦૦ વેકસીનેશનની સુવિધા છે. દેશભરમાં ડ્રાઈવ - ઈન વેકસીનેશન સેવા સંભવતઃ પ્રથમ વખત મહારાષ્ટ્રમાં શરૂ થઈ છે. access_time 12:49 pm IST

  • ચુંટણીઓ પુરી થતાં જ પેટ્રોલ-ડીઝલના ભાવમાં ૨૦ થી ૨૫ પૈસાનો વધારો ઝીંકાયો : દેશના પાંચ રાજયોમાં ચુંટણી પુરી થતાંવેંત જ આજે પેટ્રોલ-ડીઝલના ભાવમાં ફરી એકવાર વધારો ઝીંકાયો છે. પેટ્રોલમાં ૨૦ પૈસા અને ડીઝલનાં ભાવમાં પ્રતિ લિટરે ૨૫ પૈસાનો વધારો થયો છે. access_time 10:38 am IST

  • પુડુચેરીમાં ડખ્ખા શરૂ :૬ સભ્યો જ હોવા છતાં ભાજપ મુ.મંત્રી પદ માગે છે : પ્રથમ દિવસે જ પુડુચેરીમાં ભાજપ અને સ્થાનિક પક્ષો વચ્ચે ડખ્ખો શરૃઃ પુડુચેરીમાં સ્થાનિક પક્ષો સાથે જોડાણ કરી ભાજપ સત્તા પર આવી રહ્યો છે ત્યારે સત્તાની વહેંચણી બાબતે પ્રથમ ગ્રાસે મક્ષિકા જેવું થયું છે. ભાજપે માત્ર ૬ ધારાસભ્યો સાથે મુખ્યમંત્રીપદ માગતા ભાજપના મોરચામાં મતભેદો સર્જાયા છે. (ન્યુઝ ફર્સ્ટ) access_time 3:19 pm IST