Gujarati News

Gujarati News

News of Friday, 4th December 2020

સોમવારથી ફરી કેન્સર હોસ્પિટલને કોવિડ-૧૯માં ફેરવાશે : શુક્રવાર સુધી દવા - ડોકટરો - સ્ટાફ મુકાશે

કેસો વધ્યા હોય અને સિવિલનું ભારણ ઘટાડવા કલેકટરનો મહત્વનો નિર્ણય

રાજકોટ તા. ૩ : આગામી સોમવારથી કેન્સર હોસ્પિટલ કે જ્યાં ૧૯૨ બેડની ઓકસીજન સાથેની કોવિડ-૧૯ હોસ્પિટલ શરૂ કરાઇ હતી અને જે તે સમયે કેસો ઘટતા તે બંધ કરાયેલ, તે કેન્સર હોસ્પિટલ ૧ મહિના બાદ સોમવારથી ફરી કોવિડ-૧૯ હોસ્પિટલ તરીકે શરૂ કરી દેવાશે તેમ કલેકટર શ્રી રેમ્યા મોહને આજે પત્રકારોને જણાવ્યું હતું.

તેમણે જણાવેલ કે, હાલ સ્થિતિ ગંભીર નથી, રાજકોટ શહેર - જિલ્લામાં કેસો કાબુમાં છે, પણ તાજેતરમાં કેસો વધતા અને સિવિલ હોસ્પિટલનું ભારણ ઘટાડવા ફરી કેન્સર હોસ્પિટલ કોવીડ-૧૯માં ફેરવાશે, શુક્રવાર સુધીમાં દવા - ડોકટરો - સ્ટાફ મૂકી દેવાશે અને સોમવારથી ૧૯૨ બેડવાળી હોસ્પિટલ શરૂ થઇ જશે.

સમરસ હોસ્ટેલ અંગે તેમણે ઉમેર્યું હતું કે, તે પુનઃ ચાલુ કરવા અંગે હાલ કોઇ વિચારણા નથી, આમ છતાં તે પણ સ્ટેન્ડ ટુ ચાલુ રખાઇ છે.

(3:15 pm IST)
  • કોરોના ગાંડોતૂર બનતા અમેરિકાના લોસ એન્જલીસમાં લોકડાઉનની જાહેરાત : લોકડાઉનનની જાહેરાતથી ગુજરાતનો હીરા ઉદ્યોગ ચિંતામાં : ક્રિસમસની ઘરાકી ઉપર પડી શકે છે મોટી અસર : સુરતમાં તૈયાર થયેલા હીરા અને જવેલરીની અમેરિકામાં સારી માંગ હોય છે : ક્રિસમિસના મોટા ભાગના ઓર્ડર સુરતથી રવાના થયા છે access_time 10:47 am IST

  • ગ્રેટર હૈદરાબાદ મ્યુનિસિપલ કોર્પોરેશન ચૂંટણી : સત્તાધારી પાર્ટી TRS નો 44 બેઠકો ઉપર વિજય : ઓવૈસીની AIMIM પાર્ટીએ 39 બેઠકો કબ્જે કરી : 32 બેઠકો ઉપર ભગવો લહેરાયો : સાંજે 6:30 વાગ્યા સુધીના પરિણામ : કુલ બેઠક 150 : મત ગણતરી ચાલુ : 2016 ની સાલમાં સત્તાધારી પાર્ટી TRS ને 99 તથા ઓવૈસીની પાર્ટીને 44 બેઠકો મળી હતી : ભાજપે 4 બેઠકો ઉપર વિજય મેળવ્યો હતો access_time 7:15 pm IST

  • ખેડૂત આંદોલને જોર પકડ્યું : આવતીકાલ શનિવારે મોદીનું પૂતળું બાળશું : રસ્તાઓ ઉપર ચક્કાજામ વધારી દઈશું : જો અમારી માંગણી નહીં સંતોષાય તો 8 તારીખે ભારત બંધ access_time 7:18 pm IST